IPL-7 Super Kings Ne Mumbai Indians Ko 7 Wicket Se Haraaya

Breaking »

IPL-7  Super Kings Ne Mumbai Indians Ko 7 Wicket Se Haraaya

Dubai: mohit sharma (16-4) ki shaanadaar geindabaaji aur fir breindan maiklam (naabaad 71) ke tej ardhashatak ki badaulat chennai super kings team ne shukravaar ko Mumbai Indians ko saat wicket se haraakar Indian preeyimr league (IPL) ke saatavein sanskaran ki taalika mein chhah ankon ke saath apni sthiti majaboot ki. dubai antararaashtreeya stadium mein khele gaye is match mein super kings ne pehle mohit aur ben hilfenahaas ki umda geindabaaji ki badaulat Mumbai Indians ko 141 ranon par seemit kiya aur fir 19 overon mein teen wicket ganvaakar jeet haasil kar li. super kings ne chaar maichon mein teesari jeet haasil ki hai jabki Mumbai Indians ko lagaataar teesari haar se roo-b-roo hona pada hai. Beete saal super kings ko haraakar khitaab jeetne waali yeh team taalika mein filhaal sabse neeche aathavein kram par hai. super kings ke liye dvaayan smith (29) aur maiklam ne shaanadaar shuruaat ki aur pehle wicket ke liye 38 geindon par 57 ranon ki saajhedaari ki. Smith sabse pehle pavilion laute. suresh raina (1) saste mein out hue lekin faaf doo plesis (20) aur maiklam ne teesare wicket ke liye 53 ranon ki saajhedaari ki. Is saajhedaari ne super kings ko jeet ki or se agrasar kiya. plesis ka wicket 114 ke kul yog par gira. Plesis ne 25 geindon ka saamana kiya lekin vah chauke ya chhakke naheen laga sake. Iske baad kaptaan dhauni (naabaad 14) maiklam ka saath dene aae. Donon ne koi aur nuksaan naheen hone diya aur apni team ko chhah geindein shesh rahate jeet dila di. dhauni ne 11 geindon ka saamana kar ek chauka aur ek chhakka lagaaya. Maiklam ne apni 53 geindon ki naabaad paari mein aath chauke aur do chhakke lagaae. super kings aath teemon ki taalika mein doosare sthaan par hain. Unke paas chhah ank hain, jabki ab tak khele gaye sabhi teen match jeetkar kings eleven Punjab ki team chhah ankon aur behtar net run rate ke kaaran pehle sthaan par hai. isse pehle, kaptaan rohit sharma (50) aur kori Anderson (39) ki umda paariyon ki madad se Mumbai Indians ne toss jeetkar ballebaaji karne ka faisala kiya aur nirdhaarit 20 overon mein saat wicket par 141 run banaae. Michael hasi ek baar fir naakaam rahe aur ek run banaakar out hue. Hasi ko unke hamavatan ben hilfenahaas ne bold kiya. aaditya taare ne 19 geindon par chaar chaukon ki madad se 23 run banaae jabki Anderson ne 31 geindon ki paari mein teen chauke aur ek chhakka lagaaya. Taare ko mohit sharma ne out kiya jabki Anderson ka wicket 109 ke kul yog par gira. Rohit ki 41 geindon ki paari mein teen chauke aur do chhakke shaamil hain. Iske alaava keeran Pollard ne 12 ranon ka yogadaan diya. rohit ka wicket 123 ke kul yog par gira. Unka catch ben hilfenahaas ki geind par dvaayan smith ne liya. Iske baad 125 ke kul yog par Ambati raayadoo (1) ka wicket gira. Raayadoo ko mohit sharma ne suresh raina ke haathon catch karaaya. Kul yog mein abhi do run hi jude the ki mohit ne apne antim over ki chauthi geind par Pollard ko bhi chalta kiya. Pollard ne 11 geindon par ek chauka lagaaya. mohit ke liye Mumbai Indians ko jhatka dene ka silsila yaheen naheen ruka. Unhonne apne chauthe aur paari ke 19vein over ki antim geind par Harbhajan Singh (0) ko out kar vipakshi team ko saatavaan jhatka diya. mohit ka yeh chautha wicket tha. Mohit ne chaar overon mein 14 run kharch kiye. Zaheer Khan saat aur CM Gautam saat ranon par naabaad laute. Zaheer ne teen geindon par ek chhakka lagaaya. Super kings ki or se mohit ke alaava hilfenahaas ne do wicket haasil kiye. Anderson ko Ravichandran Ashwin ne run out kiya.

IPL-7 Super Kings Ne Mumbai Indians Ko 7 Wicket Se Haraaya http://www.angrejinews.com/pic/48628