IPL-7 Super Kings Ne Daredevils Ko 8 Wicket Se Haraaya

Breaking »

IPL-7  Super Kings Ne Daredevils Ko 8 Wicket Se Haraaya

Nai Delhi: dvaayan smith (79) ne apni toofaani paari ke aage Delhi Daredevils se mile 178 ranon ke bade lakshya ko bauna saabit karte hue somvaar ko Ferozshah Kotla stadium mein hue IPL-7 ke 26vein match mein apni team chennai super kings ko ek geind shesh rahate aath wicketon se jeet dila di. super kings ki IPL-7 mein yeh lagaataar chhathi jeet hai. breindan maiklam (32) aur smith ki IPL-7 ki safalatam salaami jodi ne shaanadaar shurooaat karte hue pehle wicket ke liye 11.2 overon mein 82 ranon ki saajhedaari kar super kings ko behad majaboot sthiti mein pahuncha diya. Smith ne chauthe over mein jayadev unaadakat ki geind par chhakkon ka hattrick lagaakar apni aatishi paari ka andaaja de diya tha. smith ke form ka andaaja isi baat se lagaaya ja sakta hai ki 11vein over tak maiklam aur smith donon ne 33-33 geindon ka saamana kiya tha, lekin maiklam ne jahaan 28 run banaae the, vaheen smith ne 42 run bana liye the. Daredevils ko maiklam ke roop mein pehli safalta 12vein over ki doosari geind par mili. Lakshmeeratan shukla ki geind par chhakka lagaane ke prayaas mein maiklam laang on par murali vijay ke haathon lapke gaye. Maiklam ne 35 geindon ka saamana kar paanch chauke lagaae. iske baad smith ka saath dene aae suresh raina (naabaad 47) ne bhi aate hi usi over mein do chauke lagaakar super kings ki paari usi gati se aage badhaani shuroo ki. raina aur smith ne doosare wicket ke liye 44 geindon mein 86 ranon ki toofaani saajhedaari kar super kings ko jeet ke lagbhag kareeb pahuncha diya tha, ki 19vein over ki chauthi geind par smith ki oonchi stret shot ko murali ne lapak kar match ko thoda romaanchak banaaya. Smith ne is beech 27 geindon ka saamana kar chhah chauke aur ek chhakka lagaaya. Smith 168 ke kul yog par out hue. ab super kings ko aath geindon mein jeet ke liye 11 ranon ki darkaar thi aur raina ka saath dene utare super kings ke kaptaan Mahendra Singh dhauni(naabaad 12). Dhauni ne aakhiri over ki doosari geind par chhakka lagaane ke baad chauthi geind par chauke ke saath vijayi run jutaakar apni team ko IPL-7 mein chhathi jeet dila di. Raina ne bhi is beech tej haath dikhaate hue 27 geindon mein chhah chauke aur ek chhakka lagaaya. Daredevils ki taraf se ven parnel aur lakshmeeratan shukla ko hi ek-ek wicket mila. isse pehle, toss haarakar ballebaaji karne utare Daredevils ne dinesh kaartik (51) ke shaanadaar ardhashatak ki badaulat nirdhaarit 20 overon mein paanch wicket ke nuksaan par 178 run banaae. Daredevils ne sadhi hui shurooaat karte hue shurooaati chaar overon mein bina koi wicket ganvaae 34 run banaae. Is beech ishvar paandeya dvaara laaya gaya doosra over jahaan meden raha vaheen Pande ke doosare over mein kvintan di kauk (24) aur murali vijay (35) ne 17 run batore. aakraamak hoti yeh jodi haalaanki paanchavein over ki pehli geind par di kauk ke run out hote hi toot gayi. Teesara run lene ke prayaas mein di kauk out run out hue. Di kauk ne is beech tej haath dikhaate hue 16 geindon ka saamana kar teen chauke aur do chhakka lagaaya. iske baad ballebaaji ke liye utare Daredevils ke kaptaan kevin Peterson ko unki pehli hi geind par mohit sharma ne isi over mein clean bold kar diya. Mohit ki khoobsoorat yaurkar leinth geind par Peterson khaata khole bagair pavilion laut gaye. iske baad ballebaaji karne aae dinesh kaartik (51) ne haalaanki shurooaati jhatakon se ubarate hue murali ke saath teesare wicket ke liye shaanadaar 71 ranon ki saajhedaari ki. Dinesh kaartik ne behad sadhe hue andaaj mein ballebaaji karte hue is beech 35 geindon mein chauke ki madad se apna ardhashatak poora kiya. kaartik, murali ke beech 51 geindon tak chali yeh saajhedaari ben hilfenhaas dvaara laae gaye 13vein over ki aakhiri geind par kaartik ke out hone ke saath samaapt hui. Kaartik ka catch mohit ne lapka. Kaartik ne is beech 36 geindon ka saamana kar chaar chauke aur teen chhakke lagaae. Kaartik ka wicket 108 run ke kul yog par gira. agale hi over mein lakshmeeratan shukla bhi bina khaata khole pavilion laut gaye. Ravichandran Ashwin ki geind par ishvar paandeya ne shukla ka catch pakada. Ek chhor se tik kar khel rahe murali ki paari ka agale hi over mein Ravindra jadeja ne samaapan kar diya. Murali ka catch faaf doo plesis ne liya. Murali ne 30 geindon ka saamana kar do chauke aur ek chhakka lagaaya. ab crease par yuva pratibha kedaar jaadhav (naabaad 29), jyaan paul dyoomini (naabaad 28) ke saath paari badhaane utare. Jaadhav aur dyoomini ne Ashwin aur jadeja ke agale do over sanyam ke saath khele. 17 over ki samaapti tak Daredevils ka score paanch 134 run tha, lekin agale teen overon mein dyoomini aur jaadhav ne toofaani ballebaaji karte hue saat chaukon aur do chhakkon ki madad se 44 run jod daale aur Daredevils ko 178 ranon ke sammaanajanak score tak pahuncha diya. dyoomini aur jaadhav ke beech 34 geindon mein naabaad 58 ranon ki saajhedaari hui. Jaadhav ne is beech 18 geindon mein do chauke aur do chhakka lagaaya, jabki dyoomini ne 17 geindon mein paanch chauke lagaae. super kings ki taraf se jadeja sabse safal geindabaaj rahe. Jadeja ne 5.75 ki ikaunami se 23 run dekar ek wicket haasil kiya. super kings saat maichon mein chhah jeet ke saath aath teemon ki ankataalika mein sheersh par aur majaboot ho gaye, jabki Daredevils saat maichon mein paanchavi haar ke saath saatavein paayadaan par hi jamein hue hain.

IPL-7 Super Kings Ne Daredevils Ko 8 Wicket Se Haraaya http://www.angrejinews.com/pic/49659