IPL-7 Sunrisers Ne Daredevils Ko 8 Wicket Se Haraaya

Cricket »

IPL-7  Sunrisers Ne Daredevils Ko 8 Wicket Se Haraaya

Nai Delhi: Indian Premier league (IPL) ke saatavein sanskaran ke tahat shanivaar ko Ferozshah Kotla stadium mein baarish se baadhit match mein sunrisers Hyderabad ne Delhi Daredevils ko aath wicket se hara diya. Sunrisers ne Duckworth levis niyam ke tahat paanch over mein 43 ranon ke sanshodhit lakshya ko 4.2 overon mein do wicket par haasil kar liya. rah-rah kar I baarish ne match ko kai baar rokane par majaboor kiya aur sunrisers ke liye lakshya ko kai baar sanshodhit kiya gaya. Sunrisers jab lakshya ka peechha karne utare to unhein 15 overon mein 117 ranon ka lakshya mila tha, lekin doosare over ki pehli geind ke baad I baarish se baadhit match ke baad sunrisers jab dobaara crease par utare to unhein 12 overon mein 97 ranon ka naya lakshya diya gaya. bamushkil yeh over hi ho saka tha ki fir se baarish aa gayi. Is beech is doosare over mein siddhaarth kaul shikhar dhavan (4) ke roop mein sunrisers ka pehla wicket chatakaane mein kaamayaab rahe aur baarish samaapt hone ke baad jab teesara over shuroo hua to sunrisers ke saamane paanchavein over tak 43 ranon ka lakshya tha. is aasaan lakshya ko haasil karne ke dauraan Rahul shukla ne chauthe over ki doosari geind par doosare salaami ballebaaj Aaron finch (4) ko bhi clean bold kar diya. iske baad ballebaaji karne aae David vaarnar (naabaad 12) aur naman ojha (naabaad 13) ne haalaanki bina koi aur wicket ganvaae jeet ke liye nirdhaarit lakshya haasil kar liya. Vaarnar 9 geindon mein ek chauka, jabki ojha ne teen geindon mein do chhakke lagaae. isse pehle, toss haarakar pehle ballebaaji karne utare Delhi Daredevils ne nirdhaarit 20 overon mein saat wicket ke nuksaan par 143 run banaae. Daredevils ki shuruaat achhi naheen rahi aur kvintan di kauk teesare over ki chauthi geind par lokesh Rahul ke haathon lapke gaye. Dale sten ne di kauk ka wicket haasil kiya. pehla wicket jald girne ke baavajood kaptaan kevin Peterson (35) ne run gati dheemi naheen hone di aur mayank Agrawal (25) ke saath doosare wicket ke liye 23 geindon mein 44 ranon ki tej saajhedaari nibhaai. Ismein Peterson ka yogadaan 33 ranon ka tha. apna pehla over lekar aae spin geindabaaj amit mishra ne saatavein over ki teesari geind par Peterson ko shikhar dhavan ke haathon catch out karva diya. Mishra ne iske saath hi IPL mein apna 100vaan wicket haasil kiya. Peterson ne is beech 19 geindon ki apni paari mein chaar chauke aur do chhakke lagaae. mishra ne apne agale hi over mein mayank ka wicket bhi chataka diya. Mayank ka catch David vaarnar ne lapka. Mayank ne 18 geindon mein chaar chauke lagaae. iske baad ballebaaji karne aae dinesh kaartik (39) aur lakshmeeratan shukla (21) ne sanbhalakar khelte hue team ka score aage badhaana shuru kiya. Kaartik aur shukla ne chauthe wicket ke liye 55 ranon ki saajhedaari nibhaai. Is beech baarish ke kaaran match kaafi der ruka raha. moesis Henricks ne 17vein over mein donon jame jamaae ballebaajon ko pavilion lautaaya. Kaartik 17vein over ki pehli geind par laang of par seema ke paas Dale sten ke haathon lapke gaye. Kaartik ne 30 geindon ka saamana kar ek chauka aur do chhakka lagaaya. isi over ki paanchaveen geind par shukla bhi David vaarnar ke haathon catch out ho gaye. Shukla ne 22 geindon ki apni paari mein ek chauka aur ek chhakka lagaaya. aakhiri teen overon mein Daredevils ne 11 run par do wicket aur ganvaae. Jyaan paul dyoomini (4) ko 19vein over ki aakhiri geind par bhuvaneshvar Kumar ne clean bold kar diya, jabki match ke aakhiri geind par sten ne kedaar jaadhav (5) ka wicket chatakaaya. Jaadhav ka catch Irfan pathaan ne lapka. sten sabse safal geindabaaj rahe. Unhonne 5.00 ki ikaunami se 20 run dekar do wicket chatakaae. Henricks aur mishra ko bhi do-do wicket mile.

IPL-7 Sunrisers Ne Daredevils Ko 8 Wicket Se Haraaya http://www.angrejinews.com/pic/50199