IPL-7 Smith, Faulkner Ne Royal Challengers Ke Munh Se Chheeni Jeet

Breaking »

IPL-7  Smith, Faulkner Ne Royal Challengers Ke Munh Se Chheeni Jeet

Bengaluru: Steve smith (naabaad 48) aur James Faulkner (naabaad 41) ke beech hui taabadtod saajhedaari ki badaulat Rajasthan Royals ne Indian Premier league (IPL) ke saatavein sanskaran ke tahat ravivaar ko M. Chinnaasvaami stadium mein hue behad rochak mukaabale mein royal Challengers Bangalore ko paanch wicket se hara diya. smith aur Faulkner ne chhathe wicket ke liye 32 geindon mein naabaad 85 ranon ki saajhedaari kar royal Challengers se mile 191 ranon ke lakshya ko saat geind shesh rahate haasil kar liya. Royals ne shuruaat to behatareen ki, lekin madhyakram ke ladkhada jaane ke kaaran ekasamaya haar ke muhaane par khada najar aane laga tha. Ajinkya rahaane (24) ne karun Nair (56) ke saath bina koi wicket ganvaae 7.1 overon mein 54 ranon ki ardhashatakeeya saajhedaari nibhaai. Rahaane ko wicket ke peechhe catch out karavaakar yujaveindr chahal ne royal Challengers Bangalore ko pehli safalta dilaai. Rahaane ne is beech 22 geindein khelkar teen chauke lagaae. iske baad Yuvraj Singh ne niyamit antaraal par chaar wicket chatakaakar Royals ko bhaari mooseebat mein daal diya. Yuvraj ne nauvein over ki teesari geind par Shane Watson (1), isi over ki aakhiri geind par Stuart binni (1), 11vein over ki aakhiri geind par sanjoo Samson (13) aur ek chhor par jamkar khel rahe salaami ballebaaj karun Nair (56) ke wicket chatakaae. Karun Nair 106 ke kul yog par clean bold ho gaye. Nair ne apni ardhashatakeeya paari mein 39 geindon ka saamana kar aath chauke lagaae. Nair jab out hue to Royals ko 39 geindon mein jeet ke liye 85 ranon ki darkaar thi aur crease par smith ke roop mein ekamaatr visheshagya ballebaaj maujood tha. Lekin smith ka saath dene aae Faulkner ne lekin jamane ke liye sirf ek over ka samay liya. Iske baad donon ballebaajon ne aakhiri teen overon mein dhuaandhaar ballebaaji karte hue paanch chauke aur paanch chhakkon ki sahaayata se 64 run jod daale aur Royals ko jeet tak pahuncha diya. smith ne 21 geindon ki apni paari mein chaar chauke aur itne hi chhakke lagaae, jabki Faulkner ne 17 geindon ki apni dhuaandhaar paari mein teen chauke aur teen chhakke lagaae. Smith aur Faulkner ki saajhedaari ke aage Yuvraj aur Abraham DeVilliers ke beech chauthe wicket ke liye hui rikaurd saajhedaari bhi feeki pad gayi. isse pehle, toss jeetkar ballebaaji karne utare royal Challengers ne nirdhaarit 20 overon mein paanch wicket par 190 run banaae the. royal Challengers ki shurooaat haalaanki kharaab rahi thi. Kris Gale (19) ke saath viraat Kohli (4) paari ki shurooaat karne pahunche, lekin kaptaan Kohli teesare over ki teesari geind par ken Richardson ka shikaar ho pavilion laut gaye. Is samay team ka score keval chhah run tha. Gale bhi apekshit pradarshan naheen kar paae aur teji se run banaane ke prayaas mein praveen taambe ki geind par Samson ko catch thama baithe. Unheinne apni paari mein teen chauke lagaae. ek samay royal Challengers 40 ke yog par teen wicket ganva kar mushkil mein najar aane lagi thi, theek isi vakt royal Challengers ke liye IPL ke sabse mahange khilaadi Yuvraj Singh (83) kisi taaranahaar ke roop mein ubhare. unhonne Abraham DeVilliers (58) ke saath milkar chauthe wicket ke liye 132 run jode. Yuvraj ne 38 geindon ki apni dhuaandhaar paari mein 7 chauke aur itne hi gaganachunbi chhakke jade. Vaheen DeVilliers ne bhi keval 32 geindon ki paari mein paanch chhakke aur ek chauka jadte hue royal Challengers ko mushkil haalaat se baahar nikaala. Royals ki or se ken Richardson ne do wicket haasil kiye. James Faulkner aur praveen taambe ko ek-ek wicket mila.

IPL-7 Smith, Faulkner Ne Royal Challengers Ke Munh Se Chheeni Jeet http://www.angrejinews.com/pic/50290