IPL-7 Simans Aur Raayadu Ne Mumbai Indians Ko Dilaai Jeet

Breaking »

IPL-7  Simans Aur Raayadu Ne Mumbai Indians Ko Dilaai Jeet

Hyderabad: leindil simans (68) aur Ambati raayadoo (68) ki behatareen ardhashatakeeya paariyon ki badaulat Mumbai Indians ne Indian Premier league (IPL) ke saatavein sanskaran ke tahat somvaar ko Rajiv Gandhi antarraashtreeya stadium mein hue match mein sunrisers Hyderabad ko saat wicket se hara diya. Mumbai Indians ne sunrisers se mile 158 ranon ke lakshya ko teen wicket khokar aath geind shesh rahate haasil kar liya. simans aur raayadoo ne do run ke kul yog par shuruaat mein hi gire pehle wicket ka Mumbai Indians ko koi nuksaan naheen hone diya. Donon ballebaajon ne behad sadhe hue andaaj mein doosare wicket ke liye 130 ranon ki saajhedaari kar apni team ko jeet ke kaafi najadeek pahuncha diya. CM Gautam (1) ka pehla wicket chatakaane vaale bhuvaneshvar Kumar ne hi 16vein over ki paanchaveen geind par simans ko clean bold kar sunrisers ko doosra jhatka diya. Is beech simans ne 50 geindon ka saamana kar paanch chauke aur chaar chhakke lagaae. agale hi over mein moesis Henricks ne raayadoo ka wicket chatakaakar match ko thoda romaanchak jaroor banaaya, par keeran Pollard (naabaad 14) aur kaptaan rohit sharma (naabaad 6) ke rahate Mumbai Indians ko jeet ke liye jaroori run jutaane mein koi pareshaani naheen hui. Raayadoo ne 46 geindon ki apni paari mein saat chauke aur do chhakke lagaae. Raayajoo ko Henricks ne apni hi geind par lapak liya. bhuvaneshvar Kumar sunrisers ke sabse safal geindabaaj rahe. Unhonne 5.25 ki ikaunami se 21 run dekar do wicket haasil kiye. isse pehle, sunrisers ne toss jeetkar pehle ballebaaji karte hue Aaron finch (68) aur David vaarnar (naabaad 55) ki behatareen ardhashatakeeya paariyon ki badaulat nirdhaarit 20 overon mein teen wicket par 157 ranon ka score khada kiya. sunrisers par kabhi bhi wicketon ka sankat naheen raha, par run gati badhaane mein ve asamarth rahe. Harbhajan Singh, keeran Pollard aur naman ojha ne beech-beech mein kuchh ek over kasi hui geindabaaji kar hamesha run gati par ankush lagaae rakha. lasith malinga ne paanchavein over ki aakhiri geind par shikhar dhavan (11) ko clean bold kar Mumbai Indians ko pehli safalta dilaai. Lokesh Rahul (10) badi paari to naheen khel sake par unhonne finch ke saath doosare wicket ke liye 39 ranon ki saajhedaari jaroor nibhaai. Lokesh 10vein over ki paanchaveen geind par 70 ke kul yog par run out hue. iske baad ballebaaji karne aae vaarnar ne finch ke saath sadhe andaaj mein sunrisers ki paari ko aage badhaana shuroo kiya. Finch aur vaarnar ne teesare wicket ki saajhedaari mein 63 run jode. 9 overon tak chali yeh saajhedaari 19vein over ki paanchaveen geind par malinga ne todi. Finch ki oonchi shot ko laang of par keeran Pollard ne lapak liya. Finch ne is beech 62 geindon ki apni sanyamabhari paari mein saat chauke aur do chhakka lagaaya. vaarnar ne haalaanki balle ka munh kholte hue malinga ki agali hi geind par chhakka jad diya. Paanchavein kram par ballebaaji karne aae naman ojha (naabaad 7) ne bhi aate hi chhakka jada. Vaarnar ne aakhiri over ki paanchaveen geind par chauka lagaakar 30 geindon mein apna ardhashatak poora kiya. Sunrisers ne aakhiri over do overon mein 33 run batore. Vaarnar ne IPL-7 ka chautha ardhashatak lagaaya. Vaarnar ne is beech 31 geindon ka saamana kar chhah chauke aur do chhakke lagaae. Mumbai Indians ke liye malinga ko hi do wicket mile.

IPL-7 Simans Aur Raayadu Ne Mumbai Indians Ko Dilaai Jeet http://www.angrejinews.com/pic/50376