IPL-7 Romaanchak Mukaabale Mein Rajasthan Royals Ne Night Raairds Ko 10 Ranon Se Haraaya

Breaking »

IPL-7  Romaanchak Mukaabale Mein Rajasthan Royals Ne Night Raairds Ko 10 Ranon Se Haraaya

Ahmedabad: Rajasthan Royals team ne somvaar ko sardaar Patel motera stadium mein khele gaye romaanch se bharpoor mukaabale mein Kolkata night raairds ko 10 ranon se haraakar Indian Premier league (IPL) ke saatavein sanskaran mein paanchaveen jeet haasil ki hai. Night raairdas ki yeh paanchaveen haar hai. apne ballebaajon ke umda pradarshan ke boote Rajasthan Royals ne Kolkata night raairds ke saamane 171 ranon ki chunauti rakhi, jiske javaab mein night Riders team tamaan utaar-chadhaav ke baad 20 overon mein chhah wicket par 160 run hi bana saki. Rajasthan Royals ki or se kaptaan Shane Watson aur praveen taambe ne teen-teen wicket liye. antim over mein night raairds ko jeet ke liye 17 ranon ki darkaar thi lekin shaakib al hasan (naabaad 21) aur sooryakumaar Yadav (naabaad 9) ki jodi chhah run hi bator sake. night raairdas ne shaanadaar shurooaat ki. Uske salaami ballebaaj robin uthappa (65) aur kaptaan Gautam gambheer (54) ne pehle wicket ke liye 14 overon mein 121 ranon ki saajhedaari ki. Yeh saajhedaari team ko jeet ki or le jaati dikh rahi thi lekin Rajasthan Royals aasaani se hathiyaar daalne waali teemo mein naheen theen. Rajasthan Royals ke kaptaan Shane Watson ne 15vein over ki pehli geind par gambheer ko chalta kiya. Gambheer ne 34 geindon ka saamana kar chhah chauke aur ek chhakka lagaaya. iske baad Watson ne teesari geind par uthappa ka raasta saaf kiya. Uthappa ne 52 geindon par paanch chauke aur teen chhakke lagaae. Watson ke liye khel yahaan naheen khatm hua tha. Inhonne apne isi over ki paanchaveen geind par Andre Russel (1) ko out kar night raairdas ko teesara jhatka diya. apne kaptaan ke shaanadaar pradarshan se prerit praveen taambe ne paari ke 16vein over ki pehli geind par maneesh paandeya (0) ko out kiya. Yeh wide geind thi. Nae ballebaaj Yusuf pathaan (0) ne 16vein over ki pehli geind ka saamana kiya aur taambe ke haathon hi catch out ho gaye. taambe ne apni firki ka silsila jaari rakha aur doosari geind par raayan den doshet (0) ko pagbaadha out kar night raairdas ko chhatha jhatka diya aur saath hi hattrick bhi poora kiya. Yeh IPL mein unka pehli hattrick hai. Saath hi yeh IPL-7 ki pehli hattrick bhi hai. iske baad shaakib aur Yadav ne koi aur nuksaan naheen hone diya aur haalat ke saath ladte hue apni team ko jeet ki sthiti mein banaae rakha lekin Rajasthan Royals ke khilaadiyon ne romaanch ke kshanon mein apni nabj ko niyantrit rakhate hue apni team ko ek yaadagaar jeet dilaai. isse pehle, toss haarne ke baad ballebaaji karte hue Rajasthan Royals ne apne nae ghareloo maidaan par nirdhaarit 20 overon mein chhah wicket par 170 run banaae. Ismein ajinkya rahaane ke 30, karun Nair ke 44, sanjoo Samson ke 37 aur kaptaan Shane Watson ke 31 run shaamil hain. Nair aur rahaane ne apni team ko shaanadaar shurooaat dilaate hue pehle wicket ke liye 39 geindon par 52 run jode. Rahaane ko suneel naren ne run out kiya. Rahaane ne 22 geindon ki paari mein teen chauke aur ek chhakka lagaaya. iske baad Nair aur Samson ne doosare wicket ke liye teji se 53 run jode. Nair 105 ranon ke kul yog par shaakib al hasan ki geind par robin uthappa ke haathon lapke gaye. Nair ne 35 geindon par chauke aur ek chhakka jada. Nair ki vidaai ke baad kaptaan Samson ka saath dene kaptaan Watson aae. In donon ke saamane apni team ko majaboot yog tak pahunchaane ki jimmedaari thi. Donon ne is jimmedaari ko bharpoor tareeke se nibhaaya aur 17 geindon par 31 run jode. Samson 136 ranon ke kul yog par naren ki geind par maneesh paandeya ke haathon lapke gaye. Samson ne 31 geindo ki umda paari mein teen chauke lagaae. Samson ke jaane ke baad Watson ne apne balle ka jalwa jaari rakha. Watson ne stuart binni (11) ke saath chauthe wicket ke liye 13 geindon par 17 run jode. Vah 153 ranon ke kul yog par naren ki geind par sooryakumaar Yadav ke haathon lapke gaye. Watson ne 20 geindon par do chauke aur itne hi chhakke lagaae. Watson ka wicket 19vein over ki teesari geind par gira. Iske baad 20vein over ki teesari geind par steven smith (3) chalte bane. Smith aur binni ke beech ek over mein 10 ranon ki saajhedaari hui. agali geind par vinaya kunaar ne binni ko bhi chalta kar diya. Binni ne nau geindon par ek chhakka lagaaya. Paari ki paanchaveen geind par James Falkner (naabaad 1) ne ek run liya aur fir rajat Bhatia (naabaad 6) ne chhakka lagaakar apni team ko 170 ke yog tak pahuncha diya. night Riders ki or se naren aur vinaya ne do-do wicket liye jabki shaakib ko ek safalta mili. IPL ke pehle sanskaran ka khitaab jeetne waali Rajasthan Royals ne ab tak khele gaye saat maichon mein se paanch mein jeet haasil ki hai aur use do mein haar mili hai. Doosari or, gambheer ke netrutv mein 2012 ka khitaab jeet chuki night raairds team saat mein se do match hi jeet saki hai.

IPL-7 Romaanchak Mukaabale Mein Rajasthan Royals Ne Night Raairds Ko 10 Ranon Se Haraaya http://www.angrejinews.com/pic/49644