IPL-7 Romaanchak Mukaabale Mein Jeeta Super Kings

Breaking »

IPL-7  Romaanchak Mukaabale Mein Jeeta Super Kings

Mumbai: dvaayan smith (57) ki sanyamabhare ardhashatakeeya paari ki badaulat chennai super kings ne Indian Premier league (IPL) ke saatavein sanskaran ke tahat shanivaar ko Wankhede stadium mein hue match mein Mumbai Indians ko chaar wicket se hara diya. kaptaan Mahendra Singh Dhoni (naabaad 22) ne ek baar fir game finisher ki bhoomika nibhaate hue Indians se mile 158 ranon ke lakshya ko aakhiri over mein ek chhakka aur ek chauka jadkar haasil kar liya. Smith player of the match chune gaye. super kings ne sadhe hue andaaj mein paari ki shuruaat ki. Is baar haalaanki smith aur breindan maiklam (13) ki salaami lambi paari naheen khel saki. Maiklam paanchavein over ki teesari geind par 29 run ke kul yog par out hue. Maiklam praveen Kumar ki geind par pagbaadha karaar diye gaye. Ullekhaneeya hai ki praveen Kumar ko Mumbai Indians mein shanivaar ko hi Zaheer Khan ke chotil hone ke baad shaamil kiya gaya hai. suresh raina (19) bhi jyaada der tik naheen sake aur aathavein over ki paanchaveen geind par wicket ke peechhe lapak liye gaye. Raina ka wicket 56 ke kul yog par keeran Pollard ne chatakaaya. smith haalaanki ek chhor sanbhaalakar baraabar gati se run banaate rahe. Faafa doo plesis (31) ne jaroor smith ke saath achhi saajhedaari ki. Smith, plesis ke beech teesare wicket ke liye 63 ranon ki saajhedaari hui. praveen Kumar ne 16vein over ki teesari geind par smith ka wicket jhatak is saajhedaari ko toda. Smith ka catch leindil simans ne liya. Smith ne is beech 51 geindon ki apni ardhashatakeeya paari mein paanch chauke aur ek chhakka lagaaya. Smith ka wicket 119 ke kul yog par gira. Super kings ko abhi bhi jeet ke liye 27 geindon mein 39 ranon ki darkaar thi. agale hi over mein lasith malinga ne plesis ka wicket bhi chataka diya. Malinga ne plesis ko 17vein over ki chauthi geind par 129 ke kul yog par clean bold kar diya. Ravindra jadeja (6) malinga ke agale shikaar bane, aur mithun manhaas bhi is beech run out hue. Dhoni ne lekin sanyam ke saath khelte hue team ko jeet dila di. Aakhiri over mein jeet ke liye 12 ranon ki darkaar thi. Pehli geind par dhauni ne do run liye aur agali do geindon par chhakka aur chauka lagaakar vijayi run haasil kar liye. malinga Mumbai Indians ke sabse safal geindabaaj rahe. Malinga ne 3.75 ki ikaunami se 15 run dekar do wicket haasil kiye. Praveen Kumar ne bhi do wicket chatakaae. isse pehle, toss haarakar pehle ballebaaji karne utare Mumbai Indians ne 6 wicket khokar 157 run banaae. Mumbai ki or se sabse jyaada run Ambati raayadoo (59) ne banaae. Raayadoo ne 43 geindon ki apni paari mein chaar chhakke aur do chauke jamaae. Unke alaava leindil simans ne 38 aur kaptaan rohit sharma ne upayogi 19 ranon ka yogadaan diya. aakhiri overon mein kori Anderson ke 6 geindon par tej 18 ranon ki madad se Mumbai 150 ka aankada paar kar pai. Geindabaaji mein chennai ki or se aar Ashwin ne 30 run dekar sabse jyaada teen wicket chatakaae.

IPL-7 Romaanchak Mukaabale Mein Jeeta Super Kings http://www.angrejinews.com/pic/50215