IPL-7 Nair Ne Royals Ko Dilaai Chauthi Jeet

Breaking »

IPL-7  Nair Ne Royals Ko Dilaai Chauthi Jeet

Nai Delhi: player of de match karun Nair (naabaad 73) ne Rajasthan Royals ko Indian Premier league (IPL) ke saatavein sanskaran mein shanivaar ko Ferozshah Kotla antararaashtreeya stadium mein Delhi Daredevils ke khilaaf hue match mein chauthi jeet dila di. Royals ne Daredevils se mile 153 ranon ke lakshya ko Royals ne teen wicket par nau geind shesh rahate haasil kar liya. Nair ne 50 geindon mein aath chauke aur do chhakke lagaae. Is jeet ke saath hi Royals chhah maichon mein chaar jeet ke saath ankataalika mein teesare sthaan par majaboot sthiti mein aa gaya, jabik Daredevils ko chhathe match mein chauthi haar ka saamana karna pada. Daredevils ankataalika mein saatavein paayadaan par hai. ven parnel ne teesare over ki paanchaveen geind par ajinkya rahaane (12) ko murali vijay ke haathon catch out karavaakar Daredevils ko pehla jhatka de diya. Vijay ne baain taraf dive lagaakar shaanadaar catch lapka aur wicket jhatakane ki khushi mein thirkane lage. Daredevils ki yeh khushi haalaanki jyaada der kaayam na rah saki. Karun Nair ka saath dene aae sanjoo Samson (34) ne doosare wicket ke liye 51 ranon ki behatareen saajhedaari kar Royals ka dabaav kaafi kam kar diya. Samson behatareen form mein najar aa rahe the ki shaabaaj nadeem ne 10vein over ki aakhiri geind par 71 ranon ke kul yog par Samson ko chalta kar diya. Samson wicket ke peechhe lapke gaye. Samson ne 28 geindon ki apni paari mein do chauke aur do chhakke lagaae. karun Nair ne haalaanki ek or sambhaale rakha aur rajat Bhatia (17) ke saath teesare wicket ke liye tej 44 run jode. Mohammad sami ne 15vein over ki aakhiri geind par Bhatia ki paari samaapt ki. Royals ka yeh teesara aur aakhiri wicket tha jo 115 ke kul yog par gira. iske baad ballebaaji karne aae kaptaan Shane Watson (naabaad 16) ne karun Nair ke saath bina kisi pareshaani ke team ko jeet tak pahuncha diya. Nair ne apne shaanadaar naabaad ardhashatakeeya paari mein 50 geindon ka saamana kar aath chauke tatha do chhakke lagaae. sami Daredevils ke sabse safal geindabaaj rahe. Unhonne 5.5 ki ikaunami se 22 run dekar ek wicket haasil kiya. isse pehle toss haarakar pehle ballebaaji karne utare Daredevils ne apne ghareloo maidaan par kvintan di kauk (43) ki sanyamabhari paari ki badaulat nirdhaarit 20 overon mein paanch wicket par 152 run banaae. Daredevils chaar overon tak bina wicket ganvaae 33 run banaakar Daredevils achhi shurooaat karte lag rahe the, ki paanchavein over ki pehli hi geind par murali vijay (13) ka wicket chatakaakar James Faulkner ne Royals ko pehli safalta dila di. Murali ka catch Shane Watson ne liya. iske baad ballebaaji karne aae kaptaan kevin Peterson (14) ne kauk ke saath doosare wicket ke liye 36 ranon ki saajhedaari kar team ko sambhaalne ki poori koshish ki. Is beech apna teesara over lekar aae praveen taambe ne teesare aur aakhiri geind par kramash: Peterson aur kauk ke wicket chatakaakar Daredevils ko mooseebat mein daal diya. Is beech kauk ne 33 geindon ka saamana kiya aur paanch chauke tatha ek chhakka lagaaya. Daredevils ab dabaav mein dikhne lagi tatha agale paanch overon mein sirf 23 run jod saki, haalaanki is beech koi wicket naheen gira. Dinesh kaartik (12) aur jyaan paul dyoomini (39) Daredevils ko sanbhaalakar aage badha rahe the, lekin ek baar fir Faulkner ne kaartik ko Stuart binni ke haathon catch karaakar yeh jodi tod di. yuva pratibha kedaar jaadhav (naabaad 28) aur dyoomini ne haalaanki iske baad teji se khelte hue 25 geindon par 46 ranon ki saajhedaari kar Daredevils ko sammaanajanak score tak pahunchaaya. Ken Richardson ki geind par rajat Bhatia ko catch thamaane se pehle dyoomini ne 31 geindon mein chaar chauke aur ek chhakka lagaaya. jaadhav ne bhi tej haath dikhaate hue 14 geindon mein do chauke aur do chhakke lagaae. Faulkner aur taambe ne 26-26 run dekar do-do wicket haasil kiye.

IPL-7 Nair Ne Royals Ko Dilaai Chauthi Jeet http://www.angrejinews.com/pic/49484