IPL-7 Nae Ghar Mein Rajasthan Royals Ki Pehli Haar

Breaking »

IPL-7  Nae Ghar Mein Rajasthan Royals Ki Pehli Haar

Ahmedabad: Rajasthan Royals team ko apne nae ghar-motera ke sardaar Patel stadium mein pehli haar ka svaad chakhana pada. Sunrisers Hyderabad team ne main of the match bhuvaneshvar Kumar (14-4) ke netrutv mein geindabaajon ke damadaar pradarshan ki badaulat guruvaar ko Indian Premier league (IPL) ke saatavein sanskaran ke apne saatavein match mein Royals ko 32 ranon se hara diya. Royals ki lagaataar chaar maichon ke baad pehli haar hai. Apne nae ghar mein Royals ko do maichon mein pehli haar mili. Is jeet ke saath sunrisers chhah ankon ke saath aath teemon ki taalika mein paanchavein sthaan par pahunch gaye hain. Rajasthan ki team teesare sthaan par hi kaayam hai. Yeh IPL mein Rajasthan Royals par sunrisers ki doosari jeet hai. Rajasthan ne aath mein se paanch match jeete hain aur teen match ganvaae hain jabki sunrisers ne saat mein se chaar match ganvaae hain aur teen jeete hain. sunrisers ne Rajasthan Royals ke saamane 135 ranon ka aasaan sa lakshya rakha tha lekin mejabaan team 19.5 overon mein sabhi wicket ganvaakar 102 run hi bana saki. Steven smith ne sabse adhik 22 run banaae. sten aur bhuvaneshvar ke alaava karn sharma, Irfan pathaan aur moesis Henricks ne ek-ek safalta haasil ki. Amit mishra ko koi wicket naheen mila lekin unhonne chaar overon mein sirf 13 run kharch kiye. Rajasthan Royals ki or se ajinkya rahaane (0), karun Nair (12), sanjoo Samson (16), Shane Watson (11), stuart binni (12), James Faulkner (4) aur rajat Bhatia (4) apni kshamata ke saath nyaaya naheen kar sake. bhuvaneshvar ne apne chauthe aur paari ke 18vein over mein Falkner, Bhatia aur ken Richardson (1) ke wicket chatakaae. Dhaval Kulkarni saat ranon par naabaad rahe jabki antim wicket ke roop mein praveen taambe (3) out hue. Smith ne 33 geindon ka saamana kiya lekin vah kasi hui geindabaaji ke aage ek bhi chauka ya chhakka naheen laga sake. Rajasthan Royals ki paari mein sirf ek chhakka laga vah vah Samson ke naam raha. isse pehle, Watson (13-3) aur Bhatia (23-3) ki umda geindabaaji ki badaulat Rajasthan Royals ne sunrisers ko 134 ranon par seemit kar diya tha. Sunrisers ne 20 overon mein nau wicket ganvaae. Sunrisers ki or se kaptaan shikhar dhavan ne sabse adhik 33 run banaae. toss haarne ke baad pehle ballebaaji ke liye utari sunrisers team ne apekshaakrut achhi shuruaat ki. Kaptaan dhavan aur Aaron finch (9) ne pehle wicket ke liye 24 geindon par 37 ranon ki saajhedaari ki. dhavan 37 ke kul yog par Shane Watson ki geind par bold hue. Dhavan ne 20 geindon ki paari mein saat chauke lagaae. Finch ne iske baad lokesh Rahul (18) ke saath 18 ranon ki saajhedaari ki. finch ka wicket 55 ranon ke kul yog par gira. Finch ne 10 geindon par ek chauka lagaaya. Rahul 18 geindon par do chauke lagaane ke baad rajat Bhatia ki geind par bold hue. Us samay kul yo 67 tha. David vaarnar (6) 85 ke kul yog par praveen taambe ki geind par sanjoo Samson ke haathon lapke gaye. Naman ojha (17) ka wicket 89 ke kul yog par gira. Ojha ne 19 geindon par ek chauka lagaaya. Henricks (9) ko Watson ne 106 ranon ke kul yog par chalta kiya. Isi yog par Watson ne karn sharma (0) ko bhi out kiya lekin vah hattrick naheen poora kar sake. pathaan (naabaad 21) aur sten ne antim 18 geindon par 19 run jode. Irfan ne 21 geindon par do chauke lagaae jabki sten ne aath geindon par ek chauka jada. Sten 125 ke kul yog par run out hue. Iske baad 129 ke kul yog par amit mishra (0) bhi run out kar diye gaye.

IPL-7 Nae Ghar Mein Rajasthan Royals Ki Pehli Haar http://www.angrejinews.com/pic/50002