IPL-7 Knightriders Ne Kings Eleven Ko 9 Wicket Se Haraaya

Breaking »

IPL-7 Knightriders Ne Kings Eleven Ko 9 Wicket Se Haraaya

Cuttack: Indian Premier league (IPL) ke saatavein sanskaran ke tahat ravivaar ko khele gaye pehle match mein Kolkata Knightriders ne kings eleven Punjab ko 9 wicketon se karaari maat di. 150 ranon ke lakshya ka peechha karne utari Knightriders ne aasaani se 18 over mein ek wicket ke nuksaan par lakshya haasil kar liya. Kolkata Knightriders ki shuruaat shaanadaar rahi. Pehle wicket ki saajhedaari mein robin uthappa (46) aur kaptaan Gautam gambhir (63 naabaad) ne keval saat over mein hi 68 run bator liye. Uthappa ne 28 geindo ki paari mein aath chauke aur ek chhakke ki madad se 46 run banaae. Maneesh Pande ne 36 ranon ka yogadaan kiya. Punjab ki or se ek maatr safal geindabaaj paravindar avaana rahe. isse pehle toss haarakar pehle ballebaaji karne utari Punjab ki team ne aath wicket khokar 149 run banaae. Kings eleven ki or se keval visfotak ballebaaj Virendra Sehwag (72) hi asaradaar paari khel paae. Apne 50 geindon ki paari mein Sehwag ne 11 chauke aur ek chhakka jamaaya. Ballebaaji ke dauraan Punjab ka madhyamakram poori tarah se vifal najar aaya jiske kaaran ek achhi shuruaat ke baavajood team keval 150 ka lakshya rakh pai. Maxwell 14 jabki David Miller 13 run banaakar out hue. Kolkata Knightriders ki or Chawla ne sabse jyaada teen jabki maurkel ne do wicket chatakaae. Suneel naren aur Umesh Yadav ko ek-ek wicket mila.

IPL-7 Knightriders Ne Kings Eleven Ko 9 Wicket Se Haraaya http://www.angrejinews.com/pic/50269