IPL-7 Kings Eleven Ne Super Kings Ko 44 Ranon Se Haraaya

Breaking »

IPL-7  Kings Eleven Ne Super Kings Ko 44 Ranon Se Haraaya

Cuttack: kings eleven Punjab team ne Budhvaar ko Barabaati stadium mein khele gaye Indian Premier league (IPL) ke saatavein sanskaran ke apne saatavein mukaabale mein chennai super kings ko 44 ranon ke bhaari antar se hara diya. Is jeet ke saath kings eleven team fir se aath teemon ki taalika mein sheersh par pahunch gayi hai. kings eleven ne super kings ke saamane 232 ranon ka lakshya rakha. Javaab mein khelne utari super kings team shuruaat se hi bade score ko haasil karne ke dabaav mein dikhi aur is dauraan kings eleven ke geindabaajon ne saraahaneeya pradarshan kiya. Nateeja hua ki sabse majaboot ballebaaji kram ka dam bharne waali super kings team nirdhaarit 20 overon mein chhah wicket par 186 run hi bana saki. super kings ki shuruaat kharaab rahi. Ab tak uske liye kai badi aur aham paariyaan khel chuke dvaayan smith (5) mahaj paanch run ke kul yog par paveliya laut gaye. Smith ko sandeep sharma ne chalta kiya. iske baad breindan maiklam (33) aur suresh raina (35) ne doosare wicket ke liye 51 ranon ki saajhedaari ki lekin yeh saajhedaari teji naheen pakad saki. Aakhirkaar 56 ke kul yog par glen Maxwell ne raina ko David Miller ke haathon catch kara diya. Raina ne 27 geindon par teen chauke aur ek chhakka lagaaya. raina ka sthaan lene aae Ravindra jadeja (17) ne teji se run batorane ka prayaas kiya lekin aath geindon par teen chauke lagaane ke baad vah rishi dhavan dvaara bold kar diye gaye. Yeh wicket 88 ke kul yog par gira. Iske baad 98 ke kul yog par maiklam run out hue. Maiklam ne 29 geindon par teen chauke lagaae. maiklam ka wicket 12vein over ki antim geind par gira. Us samay super kings ko 48 geindon par 134 ranon ki jaroorat thi. Jaahir hai, plaut uske haathon se nikal chuka tha. Faaf doo plesis (52) aur kaptaan Mahendra Singh Dhoni (23) ke paas chamatkaar karne ke sivaaya koi aur chaara naheen rah gaya tha. ye donon chamatkaar naheen kar sake. Donon ne paanchavein wicket ke liye 61 na jode. Plesis 25 geindon par saat chauke aur ek chhakka lagaane ke baad 159 ke kul yog par aur Dhoni 20 geindon par ek chhakka lagaane ke baad 167 ke kul yog par out hue. In donon ko Michelle jaanasan ne chalta kiya. mithun manhaas aath aur Ravichandran Ashwin 11 ranon par naabaad laute. Is tarah super kings team lakshya se 44 run peechhe rah gayi. Kings eleven ki or se sandeep, Maxwell aur dhavan ne ek-ek wicket liya jabki jaanasan ko do safalta mili. isse pehle, glen Maxwell (90) ki shaanadaar toofaani ardhashatakeeya paari aur David Miller (47) ke saath chauthe wicket ke liye unki 135 ranon ki saajhedaari ki badaulat kings eleven Punjab team ne toss haarne ke baad pehle ballebaaji karte hue apne nae gharel maidaan par nirdhaarit 20 overon mein chaar wicket par 231 run banaae. yeh IPL-7 ka yeh ab tak ka sabse bada yog hai. Maxwell ne 38 geindon ki toofaani paari mein chhah chauke aur aath chhakke lagaae. Miller ne 32 geindon par paanch chauke aur do chhakke jade. In donon ke alaava Virendra Sehwag ne 30 ranon ki tej paari kheli. kaptaan George bele ne bhi khulkar haath dikhaae aur 13 geindon par chhah chaukon aur do chhakkon ki madad se naabaad 40 run banaae. Michelle jaanasan 11 ranon par naabaad laute. paari ki shuruaat karne aae Sehwag ne 23 geindon par paanch chauke aur ek chhakka lagaaya. Sehwag ki badaulat kings eleven ne umda shuruaat ki. Mandeep Singh (3) aur Sehwag ne pehle wicket ke liye 27 geindon par 33 run jode. Sehwag 38 ke kul yog par mohit sharma ke shikaar hue lekin iske baad Barabaati stadium mein agale 10 overon mein jo kuchh hua, usaki ummeed darshakon ne katai naheen ki hogi. Miller aur Maxwell ne super kings ki aakraman pankti ka dhata bataate hue 10.4 overon mein 12.65 ke ausat se run batore. Ismein Miller ke 47 aur Maxwell ke 84 run shaamil hain. Miller ka wicket 173 ke kul yog par gira. Maxwell ne 22 geindon par ardhashatak poora kiya. Vah shatak ke kareeb pahunchate dikh rahe the lekin mohit ne unhein 182 ke kul yog par chalta kar diya. Maxwell teesari baar shatak ke kareeb pahunchakar naakaam hue. Vah isse pehle do baar 89-89 ka score bana chuke hain. Maxwell ki vidaai ke baad bele aur jaanasan ne super kings ke geindabaajon ki dhunaai jaari rakhi. In donon ne paanchavein wicket ke liye 16 geindon par 49 ranon ki saajhedaari ki. super kings ki or se mohit ne do wicket liye jabki ben hilfenahaas aur dvaayan smith ko ek-ek wicket mila. Smith ne Miller ko out karke apni team ko mushkil se bachaane ka kaam kiya.

IPL-7 Kings Eleven Ne Super Kings Ko 44 Ranon Se Haraaya http://www.angrejinews.com/pic/49908