IPL-7 Kings Eleven Ne Royal Challengers Ko 5 Wicket Se Haraaya

Breaking »

IPL-7  Kings Eleven Ne Royal Challengers Ko 5 Wicket Se Haraaya

Dubai: apne geindabaajon ke anushaasit aur ballebaajon ko sanyamit pradarshan ke dam par kings eleven Punjab team ne somvaar ko dubai antararaashtreeya stadium mein khele gaye Indian Premier league (IPL) ke apne paanchavein match mein royal Challengers Bangalore ko paanch wicket se hara diya. sandeep sharma (15-3) ke netrutv mein apne geindabaajon ke saraahaneeya prayaas ke dam par kings eleven ne pehle royal Challengers ko 124 ranon par seemit kiya aur fir 18.5 overon mein paanch wicket ganvaakar jeet haasil kar li. rishi dhavan ne harfanmaula pradarshan karte hue 14 run dekar do wicket liye aur fir aham padaav par 22 geindon par teen chaukon ki madad se 23 ranon ki paari kheli. Kaptaan George bele ne 16 geindon par naabaad 16 run banaae. In donon ne 35 geindon par 39 ranon ki saajhedaari kar apni team ki lagaataar paanchaveen jeet sunishchit ki. yeh paanch maichon mein kings eleven ki paanchaveen jeet hai jabki royal Challengers ko paanch maichon mein teesari haar mili hai. Yeh team aath teemon ki taalika mein chaar ankon ke saath paanchavein sthaan par hai jabki kings eleven 10 ankon ke saath sheersh par viraajamaan hain. kings eleven ki shuruaat achhi naheen rahi. Cheteshvar pujaara (10) ko 22 run ke kul yog par ashok dinda ne paarthiv Patel ke haathon catch karaaya. Pujaara ne 18 geindon par ek chauka lagaaya. Iske baad 33 ke kul yog par riddheemaan saaha (2) bhi chalte bane. Varun Aaron ki geind par Michelle Stark ne unka shaanadaar catch liya. Kings eleven ke liye ab tak teen match jitaaoo paariyaan khel chuke glen Maxwell (6) ko bhi Aaron ne Stark ke haathon catch karaaya. Stark ne ek baar fir ek behataraan catch lapka. Maxwell ka out hona kings eleven ke liye bada jhatka tha, lekin David Miller (26) aur Virendra Sehwag (32) apni team ko is nuksaan se nikaalna chaahate the. Donon ne chauthe wicket ke liye 45 ranon ki saajhedaari nibhaai. Unke wicket par rahate kings eleven aasaani se jeet ki or badhte dikh rahe the. Miller ka wicket 85 ranon par gira tha. Miller ne 20 geindon par chaar chauke lagaae. Unke out hone ke baad Sehwag bhi apna niyantran kho baithe aur yajuveindr chahal ki geind par wicket ke peechhe lapke gaye. Sehwag ne 26 geindon par chaar chauke aur chaar chhakke lagaae. Iske baad haalaanki bele aur dhavan ne koi aur nuksaan naheen hone diya. Bele ne 16 geindon par ek chauka lagaaya. Varun Aaron aur chahal ne do-do wicket liye jabki ashok dinda ko ek wicket mila. isse pehle, royal Challengers ne toss haarne ke baad pehle ballebaaji karte hue nirdhaarit 20 overon mein aath wicket par 124 run banaae. Ismein Yuvraj Singh ke sabse adhik 35 run shaamil hain. Kings eleven ki or se Michelle jaanasan ne 19 run dekar do aur rishi dhavan ne 14 run dekar do wicket liye. royal Challengers ki shuruaat achhi naheen rahi. IPL-7 mein pehli baar khel rahe kris Gale ne haalaanki 20 ranon ki tej paari kheli lekin vah 21 ranon ke kul yog par pavilion laut gaye. Gale ne saat geindon par do chauke aur do chhakke lagaae. Gale ka wicket sandeep sharma ne liya. Kaptaan viraat Kohli (4) aur paarthiv Patel (2) ko bhi sandeep ne jyaada der naheen tikne diya. Yogesh takaavale (0) ka wicket Michelle jaanasan ne liya. ek samay royal Challengers ne apne chaar aham wicket 26 ranon par gir gaye the. Iske baad Abraham DeVilliers (17) aur Yuvraj Singh (35) ne paanchavein wicket ke liye 41 ranon ki saajhedaari ki. DeVilliers ka wicket 67 ranon ke kul yog par gira. DeVilliers ne 15 geindon par do chauke lagaae. DeVilliers ke out hone ke baad Yuvraj ne elbi Morkel (15) ke saath chhathe wicket ke liye 26 run jode. Morkel ka wicket 93 ke kul yog par gira. Morkel ne 14 geindon par ek chauka lagaaya. Yuvraj ne paari ko sambhaalane ki poori koshish ki lekin vah bhi 97 ke kul yog par out ho gaye. Yuvraj ne 32 geindon par teen chauke aur ek chhakka lagaaya. Iske baad Michelle Stark (8) aur varun Aaron (naabaad 11) ne score ko 100 ke paar pahunchaaya. Donon ne aathavein wicket ke liye 23 run jode. Stark 120 ke kul yog par out hue. Aaron ne 15 geindon ka saamana kiya.

IPL-7 Kings Eleven Ne Royal Challengers Ko 5 Wicket Se Haraaya http://www.angrejinews.com/pic/48916