IPL-7 Kings Eleven Ne Challengers Ko 32 Ranon Se Haraaya

Breaking »

IPL-7  Kings Eleven Ne Challengers Ko 32 Ranon Se Haraaya

Baingaluroo: David Miller (66) ke shaanadaar ardhashatak aur sandeep sharma (25-3) ke netrutv mein apne geindabaajon ke umda pradarshan ke dam par kings eleven Punjab team ne shukravaar ko M. Chinnaasvaami stadium mein khele gaye Indian Premier league (IPL) ke apne aathavein match mein royal Challengers Bangalore ko 32 ranon se hara diya. Miller aur Virendra Sehwag (30) ki achhi paariyon ke chalte kings eleven ne Challengers ke saamane 199 ranon ka lakshya rakha tha. Javaab mein khelte hue Challengers apne ghareloo darshakon ke saamane poori tarah chitt najar aae aur 20 overon mein nau wicket ganvaakar 166 run hi bana sake. Challengers ki shuruaat behad kharaab rahi. Sandeep ne paari ke teesare over mein hi kris Gale (4) aur kaptaan viraat Kohli (0) ko chalta kiya. Kohli ka out hona thoda vivaadaaspad raha. iske baad sandeep ne paari ke chhathe over mein paarthiv Patel (13) ko out kar Challengers ko 26 ranon par teesara jhatka diya. Sachin raana (18) ne kuchh achhe shauts lagaae lekin vah 39 ke kul yog par akshar Patel dvaara bold kar diye gaye. raana ne 16 geindon par do chauke aur ek chhakka lagaaya. Raana ka sthaan lene aae Yuvraj Singh (3) ne ek baar fir niraash kiya aur 50 ke kul yog par IPL mein apna pehla match khel rahe shivm sharma ki geind par Sehwag dvaara lapak liye gaye. elbi Morkel (16) ne iske baad Abraham DeVilliers (53) ki maujoodagi mein aath geindon par do chhakke lagaae lekin 76 ke kul yog par vah shivm dvaara kaptaan George bele ke haathon catch kara diye gaye. iske baad DeVilliers aur Michelle Stark (29) ne chhathe wicket ke liye teji se 49 ranon ki saajhedaari ki. DeVilliers behad khatarnaak dikh rahe the lekin lakshmeepati Balaji ne unhein out kar apni team ko badi raahat pahunchaai. DeVilliers ne 26 geindon par ek chauka aur paanch chhakke lagaae. harshal Patel (6) ko 128 ke kul yog par jeevanadaan mila lekin 133 ke kul yog par Michelle jaanasan dvaara pavilion lauta diye gaye. Stark 23 geindon par chaar chauke lagaane ke baad 20vein over ki doosari geind par Balaji dvaara out kiye gaye. varun Aaron 17 ranon par naabaad laute jabki yajuveindr chahal 1 run par naabaad rahe. Aaron ne 11 geindon par ek chauka aur ek chhakka lagaaya. Kings eleven ki or se sandeep ke alaava baalaali, shivm ne do-do wicket liye. Jaanasan aur akshar ko ek-ek safalta mili. viraat Kohli ki kaptaani mein royal Challengers ne ab tak aath mein se teen match jeete hain jabki chaar maichon mein use patakhani khaani padi hai. Uske khaate mein chhah ank hain aur vah aath teemon ki taalika mein chhathe sthaan par hai. doosari or, kings eleven aath mein se saat match jeet chuki hai. Usane apne pichhle match mein chennai super kings ko haraakar taalika mein pehla sthaan haasil kiya tha. Mumbai Indians ke khilaaf use ekamaatr haar mili hai. Is team ne sanyukt arab ameeraat mein sampann pehle charan mein paanchon match jeete the. isse pehle, toss haarne ke baad ballebaaji karne utari kings eleven ki team ne Sehwag aur mandeep Singh (21) ki achhi shurooaat ki madad se nirdhaarit 20 overon mein aath wicket par 198 run banaae. Miller ne apni 29 geindon ki toofaani paari mein aath chauke aur teen chhakke lagaae jabki Sehwag ne 24 geindon par paanch chauke lagaae. Mandeep ne Sehwag ke saath pehle wicket ke liye 35 geindon par 60 run jode. mandeep ka wicket 60 ke kul yog par gira jabki Sehwag 68 ke kul yog par out hue. Iske baad glen Maxwell (25) ne mahaj 11 geindon ka saamana kar do chauke aur do chhakke lagaae. Maxwell aur Miller ke beech 25 ranon ki saajhedaari hui. Maxwell ka wicket 93 ranon ke kul yog par gira. Iske baad Miller ne bele (1) ke saath chauthe wicket ke liye 23 run jode. Is saajhedaari mein Miller ke 22 run shaamil hain. bele ki vidaai ke baad Miller ne Riddhimaan saaha (17) ke saath score ko aage badhaane ka kaam kiya aur 29 geindon par 54 ranon ki saajhedaari nibhaai. Miller ka wicket 170 run ke kul yog par gira. Varun Aaron ne yeh wicket liya. saaha ka wicket 184 ke kul yog par gira. Saaha ne Michelle jaanasan (naabaad 16) ke saath chhathe wicket ke liye 8 geindon par 14 run jode. Saaha ne 17 geindon ka saamana kar ek chhakka lagaaya. Michelle Stark ne antim over mein akshar (2) aur shivm (4) ko out kar kings eleven ko 200 ka score chhoone se roka. jaanasan ne apni 12 geindon ki paari mein ek chauka aur ek chhakka lagaaya. Stark, harshal Patel aur yajuveindr chahal ne do-do wicket liye jabki elbi aur Aaron ko ek-ek safalta mili.

IPL-7 Kings Eleven Ne Challengers Ko 32 Ranon Se Haraaya http://www.angrejinews.com/pic/50115