IPL-7 Ki Vatan Vaapasi, Ranchi Se Hoga Aagaaj

Breaking »

IPL-7 Ki Vatan Vaapasi, Ranchi Se Hoga Aagaaj

Nai Delhi: videshi dharati par 15 din bitaane ke baad Indian Premier league (IPL) ki svadesh vaapasi ho gayi hai. Aam chunaavon ke kaaran league ke saatavein sanskaran ke pehle charan ka aayojan sanyukt arab ameeraat (yooei) mein kiya gaya. Ab 2 May se yeh league Bhaarat mein aayojit hoga aur iske 'Desi' charan ka aagaaj Ranchi se hoga. Ranchi mein shukravaar ko chennai super kings aur Kolkata night Riders teemein aamne-saamane hongi. Yeh maidaan night Riders ke ghareloo maidaan ke roop mein jaana jaata hai. Yeh match raat aath baje se khela jaaega. league ke yooei charan mein kul 20 match khele gaye. Pratyek team ne paanch match khele. 2009 ke baad pehli baar videshi dharati par league ke aayojan ka aayojakon ka anubhav kul milaakar achha raha, lekin darshakon ki sankhya ke lihaaj se yooei charan bahut adhik safal naheen kaha ja sakta. yooei charan mein aath teemon ne paanch-paanch match khele. Kings eleven Punjab ne jahaan apne hisse ke sabhi paanch match jeete vaheen maujooda champion mumbai Indians ka khaata tak naheen khul saka. Yooei charan ke antim mukaabale mein sanaraaidars Hyderabad ne Budhvaar ko mumbai Indians ko haraaya tha. kings eleven sabse adhik 10 ankon ke saath taalika mein pehle sthaan par hai, jabki super kings ne paanch mein se chaar match jeetkar aath ankon ke saath doosra sthaan haasil kiya hai. Superkings ko ek match mein haar mili. Rajasthan Royals ne paanch mein se teen match jeete aur do ganvaae. Is tarah vah chhah ankon ke saath teesare kram par raha. Night Riders, royal Challengers, Delhi Daredevils aur sunrisers ne paanch mein se do match jeete aur teen ganvaae. in chaaron teemon ke khaate mein chaar-chaar ank hain, lekin behtar net run rate ke aadhaar par night raairds taalika mein chauthe, royal Challengers paanchavein aur sunrisers chhathe sthaan par hai. Daredevils saatavein sthaan par hai. ullekhaneeya hai ki Bhaarat mein jaari aam chunaavon ke kaaran IPL ke saatavein sanskaran ke pehle charan ka aayojan yooei mein karaaya gaya. Bhaarat sarkaar ne chunaavon ke dauraan suraksha muhaiya karaane se inkaar kar diya tha, jiske baad aayojak league ko IPL itihaas mein doosari baar videsh mein karaane par baadhya hue.

IPL-7 Ki Vatan Vaapasi, Ranchi Se Hoga Aagaaj http://www.angrejinews.com/pic/49201