IPL-7 Hait-trik To Ho Gayi, Lekin Shatak Kab Lagega. . .

Breaking »

IPL-7  Hait-trik To Ho Gayi, Lekin Shatak Kab Lagega. . .

Rajasthan Royals ke khilaadi praveen taambe Rajasthan Royals ke khilaadi praveen taambe Nai Delhi: Indian Premier league (IPL) ke chhathe sanskaran mein kul chaar shatak lage the, jinmein se aakhiri 6 May ko hi thoka gaya tha. . . Kings eleven Punjab ke ballebaaj David Miller ne royal Challengers Bangalore ke khilaaf league ke 51vein match mein 38 geindon par aath chaukon aur saat chhakkon ki madad se 101 ranon ki naabaad paari kheli thi aur 190 run ka score khada karne ke baavajood royal Challengers ko haar ke liye majaboor kar diya tha. . . us samay David Miller ne IPL ke itihaas ka teesara sabse tej shatak lagaaya tha. . . Daraasal, usi saal royal Challengers ke kris Gale ne bhi sirf 30 geindon par shatak lagaaya aur fir 66 geindon ki poori paari mein 13 chaukon aur record 17 chhakkon ki madad se 175 ranon ki aitihaasik paari kheli thi. . . Us sanskaran mein David Miller aur kris Gale ke alaava Shane Watson (101) aur suresh raina (naabaad 100) ne bhi shatak thoke the. . . ab IPL ke saatavein sanskaran mein Ahmedabad mein khele gaye match mein Rajasthan Royals ke khilaadi praveen taambe ne hait-trik haasil ki, lekin 25 match beet jaane ke baavajood IPL-7 mein ab tak koi shatak naheen lag paaya hai. . . vaise, IPL-7 kai lihaaj se rikaurdon ki daud mein pichhdta najar aa raha hai. . . Masalan, is saal sirf do maukon par teemein 200 run ka aankada paar kar saki hain. . . Kings eleven Punjab ne 18 April ko Abu Dhabi mein 206 run banaae aur chennai Superkings ne chaar wicket khokar 205 run bana diye. . . is saal kings eleven Punjab ke ballebaaj glen Maxwell do maukon par 95-95 ranon ki paari khel chuke hain, lekin koi bhi aur ballebaaj ab tak 90 run ka aankada bhi naheen paar kar saka hai. . . Royal Challengers ke Abraham DeVilliers ek baar naabaad 89, Maxwell bhi ek baar 89, Mumbai Indians ke dven smith ek baar 79 run bana chuke hain. . . IPL-7 ka lagbhag aadha safar samaapt hone ko hai, lekin shatak ke kareeb ab tak koi naheen fataka hai. . .

IPL-7 Hait-trik To Ho Gayi, Lekin Shatak Kab Lagega. . . http://www.angrejinews.com/pic/49721