IPL-7 Ghareloo Maidaan Par Indians Ka Saamana Kareinge Sunrisers

Breaking »

IPL-7  Ghareloo Maidaan Par Indians Ka Saamana Kareinge Sunrisers

Hyderabad: pichhli do jeeton se utsaahit sunrisers Hyderabad Indian Premier league (IPL) ke saatavein sanskaran ke tahat somvaar ko Rajiv Gandhi antararaashtreeya stadium ke ghareloo maidaan par apna pehla match kheleinge. Mumbai Indians ke khilaaf is match mein unhein darshakon se milne vaale samarthan ka faayda mil sakta hai. IPL-7 mein aath mein do jeet darj kar Indians aath teemon ki ank taalika mein doosare sthaan par jame hue hain, doosari or aath mein chaar jeet ke saath paanchavein paayadaan par maujood sunrisers ka palada Indians par bhaari najar aa raha hai. Indians ke liye IPL-7 ab tak kaafi naakaami bhara raha hai. Vatan vaapasi ke baad ghareloo maidaan par do jeet darj karne ke baad pichhle match mein unhein chennai super kings ko haathon haar ka saamana karna pada. Indians ne ab tak balle aur geind donon se bahut hi ausat pradarshan kiya hai. Geindabaaji mein bhi sammilit safalta ki jagah sirf lasith malinga hi prabhaavi pradarshan kar sake hain. Ballebaaji mein Indians ka koi bhi ballebaaj sheersh 10 ballebaajon ki soochi mein jagah naheen bana paaya hai, vaheen geindabaaji mein teesare sthaan par maujood malinga 13 wicket ke saath sheersh 20 geindabaajon ki soochi mein Indians ke akele khilaadi hain. sunrisers bhi ballebaaji mein vishesh chhaap chhodne mein asafal hi rahe hain, lekin geindabaaji ke maamale mein unhein IPL-7 ke sabse aakraamak maana ja sakta hai. Death overon mein unhonne jis tarah vipakshi teemon ko lakshya paane ke liye sangharsh karne par majaboor kiya hai, usase koi bhi team dabaav mein aa sakti hai. David vaarnar sunrisers ke sabse ballebaaj hain. Aath maichon ki aath paariyon mein 242 run banaakar vaarnar aathavein paayadaan par hain. Lokesh Rahul ne chhoti-chhoti hi sahi par lagaataar upayogi paariyaan khelkar apni kaabiliyt saabit ki hai. doosari or, sunrisers ke bhuvaneshvar Kumar IPL-7 mein ab tak ke sheersh geindabaaj hain. Bhuvaneshvar ne 5.49 ki ikaunami se 173 run dekar 15 wicket haasil kiye hain. Bhuvaneshvar ke alaava Dale sten sunrisers doosare mukhya geindabaaji aakraman ke roop mein behad prabhaavi rahe hain. sunrisers ke liye keeran Pollard sabse badi chunauti raheinge, to Indians ke geindabaajon ke liye vaarnar ke balle ko chup karaana sabse bada uddeshya rahega. donon teemon ka IPL-7 mein yeh nauvaan match hoga, jabki IPL mein donon teemon ke beech yeh chautha mukaabala hoga. Sunrisers ne ab tak do baar Indians ko haraaya hai, jabki Indians sunrisers par ek jeet hi darj kar sake hain. teemein (sambhaavit) : sunrisers Hyderabad : Shikhar dhavan (kaptaan), Aaron finch, David vaarnar, lokesh Rahul, naman ojha, daaren saimi, karn sharma, Dale sten, bhuvaneshvar Kumar, Ishaant sharma, Irfan pathaan. Mumbai Indians : Rohit sharma (kaptaan), leindil simans, CM Gautam (wicket-keeper), Ambati raayadoo, kori Anderson, keeran Pollard, aaditya taare, Harbhajan Singh, jasapreet bumaraah, praveen Kumar va lasith malinga.

IPL-7 Ghareloo Maidaan Par Indians Ka Saamana Kareinge Sunrisers http://www.angrejinews.com/pic/50325