IPL-7 Ghareloo Maidaan Par Daredevils Ki Lagaataar Teesari Haar

Breaking »

IPL-7  Ghareloo Maidaan Par Daredevils Ki Lagaataar Teesari Haar

Nai Delhi: player of the match Gautam gambheer (69) ki shaanadaar arddhashatakeeya paari ki badaulat Indian Premier league (IPL) ke saatavein sanskaran ke tahat Budhvaar ko Ferozshah Kotla stadium mein hue apne aathavein aur IPL-7 ke 28vein match mein Kolkata night Riders ne Delhi Daredevils ko aath wicket se hara diya. Daredevils se mile 161 ranon ke lakshya ko night Riders ne do wicket ke nuksaan par 10 geind shesh rahate haasil kar liya. vatan vaapasi ke baad apne ghareloo maidaan par Daredevils ki yeh lagaataar teesari haar hai, jabki night Riders ne IPL-7 mein lagaataar paanchaveen haar ki fajeehat se khud ko bacha liya. is haar ke saath hi Daredevils aath maichon mein do jeet ke saath aath teemon ki ankataalik mein sabse nichle paayadaan par jame hue hain. Doosari or night Riders IPL-7 ke apne aathavein match mein teesari jeet aur behtar net run ke aadhaar par chauthe paayadaan par pahunch gaye. kaptaan gambheer aur robin uthappa (47) ne night Riders ko shaanadaar shuruaat di. Gambheer aur uthappa ki salaami jodi ne 11.5 overon mein 106 ranon ki saajhedaari ki. Uthappa ven parnel ki geind par pagbaadha karaar diye gaye. uthappa ne is beech 34 geindon ka saamana kar paanch chauke aur ek chhakka lagaaya. iske ballebaaji karne aae maneesh paandeya (naabaad 23) ke saath bhi gambheer ne paari ko usi andaaj mein aage badhaana shuroo kiya. Is beech gambheer ne 39 geindon mein apna arddhashatak poora kiya. Gambheer ne maneesh ke saath doosare wicket ke liye 33 geindon mein 45 ranon ki saajhedaari ki. gambheer 18vein over ki doosari geind par wicket ke peechhe lapke gaye to night Riders ka score 151 run ho chuka tha aur unhein jeet ke liye shesh 16 geindon mein 10 ranon ki jaroorat thi, jise jaiks Kallis (naabaad 10) ne maneesh ke saath aasaani se haasil kar liya. gambheer ne is beech 56 geindon ki apni shaanadaar arddhashatakeeya paari mein paanch chauke aur do chhakke lagaae. Gambheer ka wicket bhi parnel ko mila. Daredevils ki taraf se parnel hi safal geindabaaj rahe. Unhonne 5.25 ke ausat se 21 run dekar do wicket chatakaae. isse pehle, Daredevils ne toss jeetkar pehle ballebaaji karte hue nirdhaarit 20 overon mein paanch wicket par 160 run banaae. Daredevils shuruaat dheemi rahi aur lagaataar antaraal par wicketon ke girne ke kaaran ve kabhi bhi run gati ko tej naheen kar sake. Kvintan di kauk (10) ke roop mein teesare over ki teesari geind par Daredevils ko pehla jhatka laga. Agale teen overon mein Daredevils 12 run hi bana sake the ki kaptaan kevin Peterson (6) chhathe over ki teesari geind par run out hokar pavilion laut gaye. iske baad salaami ballebaaj murali vijay (24) ka saath dene aae dinesh kaartik (36) ki jodi ne jaroor ranon ki gati kuchh tej ki. Vijay aur kaartik ke beech 21 geindon mein 10 ke ausat se 35 ranon ki saajhedaari hui. Lekin is saajhedaari ko night Riders ne apne liye khatra naheen banane diya aur nauvein over ki aakhiri geind par jaiks Kallis ne murali ko suneel naren ke haathon catch out karva diya. kaartik ne iske baad jyaan paul dyoomini (naabaad 40) ke saath chauthe wicket ke liye 24 ranon ki saajhedaari hi nibhaai thi ki shaakib al hasan ne unhein Kallis ke haathon catch out karva diya. Kaartik ne 22 geindon mein chaar chauke aur ek chhakka lagaaya. lakshmeeratan shukla (10) ke roop mein Daredevils ka paanchava wicket naren ne chatakaaya. 16vein over ki paanchavi gein par shukla ka wicket 105 ranon ke kul yog par gira. iske baad yuva kedaar jaadhav (naabaad 26) ne dyoomini ke saath aakhiri 25 geindon mein teen chauke aur chaar chhakke ki madad se naabaad 55 ranon ki saajhedaari kar Daredevils ko 160 ranon ke sammaanajanak score tak pahuncha diya. jaadhav ne 15 geindon mein teen chauke aur ek chhakka lagaaya, jabki dyoomini ne 28 geindon mein teen chhakke lagaae. shaakib al hasan night Riders ke sabse safal geindabaaj rahe. Unhonne 3.25 ki ikaunami se 13 run dekar ek wicket haasil kiya.

IPL-7 Ghareloo Maidaan Par Daredevils Ki Lagaataar Teesari Haar http://www.angrejinews.com/pic/49891