IPL-7 Braindan McCollum Aur Ravindra Jadeja Ne Chennai Ko Kolkata Par Dilaai Shaanadaar Jeet

Breaking »

IPL-7  Braindan McCollum Aur Ravindra Jadeja Ne Chennai Ko Kolkata Par Dilaai Shaanadaar Jeet

Ranchi: braindan McCollum ke ardhashatak ke baad Ravindra jadeja ke firki ke jaadoo se chennai Superkings ne Indian Premier league ke baarish se prabhaavit 17 over ke match mein aaj yahaan Kolkata night Riders ko 34 run se haraakar lagaataar paanchaveen jeet darj ki. chennai ki team ne McCollum (56) ke ardhashatak se teen wicket par 148 run banaae. McCollum ne 40 geind mein paanch chaukon aur do chhakkon ki madad se 56 run ki paari khelne ke alaava suresh raina (31) ke saath doosare wicket ke liye 70 run bhi jode. Iske javaab mein kekeaar ne baayein haath ke spinner jadeja (12 run par chaar wicket) ki balakhaati geindon ke saamane niyamit antaraal par wicket ganvaae, jisse team nau wicket par 114 run hi bana saki. Tej geindabaaj mohit sharma ne 22 run dekar teen, jabki of spinner Ravichandran Ashwin ne 21 run dekar ek wicket chatakaaya. Kolkata ki or se robin uthappa (47) aur Yusuf pathaan (41) hi dohare ank tak pahunch paae. isse pehle baarish ke kaaran match ek ghanta aur 40 minute der se shuroo hua, jiske kaaran ise 17 over ka kar diya gaya. Chennai ki yeh chhah maichon mein paanchaveen jeet hai aur team 10 ank ke saath doosare sthaan par hai. Vaheen Kolkata ki yeh chhah maichon mein chauthi haar hai aur uske do jeet se abhi sirf chaar ank hain. isse pehle lakshya ka peechha karne utari kekeaar ki shuruaat kaafi kharaab rahi aur usane 38 run tak hi chaar wicket ganva diye. Kharaab form se joojh rahe salaami ballebaaj aur kaptaan Gautam gambhir (06) paari ke doosare over mein hi run out ho gaye. salaami ballebaaj uthappa ne haalaanki ek chhor sambhaale rakha. Uthappa ne ishvar Pande par do chauke maarane ke baad mohit ki lagaataar geindon par chauka aur chhakka jada. Soorya Kumar Yadav (08) kuchh dekar crease par tike rahe, lekin jadeja ne doosare spell ki apni teesari geind par hi unhein pagbaadha out kar diya. Kekeaar ki team 10 over mein paanch wicket par 66 run hi bana saki aur use antim saat over mein jeet ke liye 83 run ki darkaar thi. pathaan ne Ashwin ki lagaataar geindon par chhakka aur chauka jada, lekin jadeja ne uthappa ko Dhoni ke haathon catch karaake Kolkata ko chhatha jhatka diya aur apna chautha wicket haasil kiya. Kekeaar ko antim teen over mein jeet ke liye 61 run chaahiye the. Pathaan ne 16vein over mein ben hilfenahaas par teen chhakke maare, lekin yeh team ko jeet dilaane ke liye naakaafi tha. isse pehle chennai ki or se McCollum aur raina ki aham saajhedaari ke alaava kaptaan Mahendra Singh Dhoni (17 geind mein naabaad 22) aur jadeja (10 geind mein naabaad 17 run) ne bhi chauthe wicket ke liye 2.3 over mein 29 run ki atoot saajhedaari karke team ko majaboot score tak pahunchaaya. gambhir ne is saal bhaarateeya sarjameen par ho rahe pehle IPL match mein spinron ko ahamiyt di aur power play ke pehle chhah over dheeme geindabaajon se karaae jismein chennai ne ek wicket par 43 run banaae. Kolkata ki or se geindabaaji ka aagaaj saakib al hasan ne kiya. Dven smith ne saakib par chauka aur fir laang of par chhakka jada, lekin baayein haath ke is spinner ki agali geind ko sweep karne ki koshish mein chookakar vah pagbaadha out ho gaye. Shaanadaar firm mein chal rahe McCollum aur raina ne iske baad team ko paari ko sanvaara. Raina ne peeyoosh Chawla ka svaagat do chaukon ke saath kiya. gambhir ne saatavein over mein aar vinaya Kumar ko geind thamaai, to McCollum ne un par deep mid wicket par chhakka jad diya. Unhonne is tej geindabaaj ke agale over mein lagaataar do chauke bhi maare. Raina ne bhi Chawla par chhakka jada. saakib haalaanki jab apne doosare spell ke liye laute to raina unki fulataus ko chhah run ke liye bhejane ki koshish mein laang aan par khade sooryakumaar Yadav ke haathon mein khel gaye. Unhonne 25 geind ka saamana karte hue chaar chauke aur ek chhakka jada. McCollum ne 12vein over mein Kallis par chhakka jadkar 32 geind mein IPL saat ka apna teesara ardhashatak aur team ke ranon ka shatak poora kiya. Andre Russel ne McCollum ko Yusuf pathaan ke haathon catch karaake chennai ko teesara jhatka diya. Kaptaan Dhoni aur jadeja ne iske baad antim overon mein teji se run batore. Kekeaar ki or se saakib sabse safal geindabaaj rahe jinhonne 25 run dekar do wicket haasil kiye.

IPL-7 Braindan McCollum Aur Ravindra Jadeja Ne Chennai Ko Kolkata Par Dilaai Shaanadaar Jeet http://www.angrejinews.com/pic/49387