IPL-7 Avijit Kings Eleven Ki Lagaataar Chauthi Jeet

Cricket »

IPL-7  Avijit Kings Eleven Ki Lagaataar Chauthi Jeet

Abu Dhabi: geindabaajon ki dhaaradaar geindabaaji ke bal par kings eleven Punjab ne shanivaar ko Indian Premier league (IPL) ke saatavein sanskaran ke tahat shekh jaayed stadium mein khele gaye apne chauthe match mein Kolkata night Riders ko 23 ranon se maat de di. Kings eleven se mile 133 ranon ke lakshya ka peechha karte hue night Riders team 18.2 overon mein 109 ranon par dher ho gayi. sarvaadhik teen wicket chatakaane vaale sandeep sharma player of the match rahe. Kings eleven ki IPL-7 mein yeh lagaataar chauthi jeet hai, jiski badaulat ankataalika mein kings eleven sheersh par aur bhi majaboot ho gaya. lakshya ke hisaab se night Riders ne shuruaat sanbhalakar ki aur teen paariyon se shoonya par out hone vaale Gautam gambhir ki jagah salaami jodi ke roop mein jaiks Kallis ka saath dene maneesh paandeya utare, lekin sandeep sharma dvaara laae gaye teesare over ki chauthi geind par maneesh pagbaadha karaar de diye gaye. maneesh ke baad ballebaaji ki kamaal sambhaalne utare Gautam gambheer (1) is baar bhi shoonya par out hone se baal-baal bach gaye. Sandeep ne agali hi geind par gambheer ka catch chhod diya. Haalaanki gambheer is jeevanadaan ka bhi koi faayda naheen utha sake. sandeep ne apne agale hi over ki pehli geind par gambheer ko akshar Patel ke haathon catch out kara diya. Lakshmeepati Balaji ne chhathe over ki pehli geind par jaiks Kallis (9) ko pavilion ki raah dikha di aur night Riders ko teesara bada jhatka de diya. Night Riders ab sankat ki sthiti mein jaati lagne lagi thi. haalaanki robin uthappa (19) aur kris lin (13) ne chauthe wicket ke liye 31 ranon ki saajhedaari kar team ko sambhaalne ki poori koshish ki. Akshar Patel ne 12vein over ki pehli geind par lin ko clean bold kar is jodi ko toda. rishi dhavan ne 13vein over mein Yusuf pathaan (3) aur uthappa ke wicket chatakaakar night Riders ko haar ki or agrasar kar diya. 14vein over ki chauthi geind par akshar Patel ne peeyoosh Chawla ko khaata khole bagair pavilion lauta diya. aakhiri overon mein sooryakumaar Yadav (34) ne jaroor kuchh sangharsh kiya. Lekin 17vein over ki teesari geind par sandeep sharma ne sooryakumaar ka sangharsh bhi samaapt kar diya. Sooryakumaar ka catch Michelle Johnson ne lapka. Sooryakumaar ne 17 geindon ka saamana kar teen chauke aur ek chhakka lagaaya. haalaanki tab tak kings eleven ne match par shikanja kas liya tha, aur Johnson ne Umesh Yadav ka wicket chatakaakar haar ki aupachaarikta poori kar di. kings eleven ke liye sandeep sharma ne teen aur Johnson tatha Patel ne do-do wicket chatakaae. isse pehle, toss haarakar ballebaaji karne utari kings eleven ne nirdhaarit 20 overon mein nau wicket par 132 run bana saki thi. pichhle do maichon mein sanyamabhari paariyaan khelne vaale cheteshvar pujaara (8) shanivaar ko jald hi pavilion laut gaye. Doosare over ki chauthi geind par nau ranon ke kul yog par pujaara run out hue. Pujaara ke baad Riddhimaan saaha (14) vireindr Sehwag (37) ka saath dene aae. Haalaanki jaiks Kallis dvaara laae gaye paanchavein over ki pehli hi geind par saaha pagbaadha karaar de diye gaye. saaha ke baad kings eleven ke ab tak khevanahaar saabit hue glen Maxwell (15) Sehwag ka saath dene aae. Sehwag aur Maxwell ki jodi ne Kallis ke baad agala over lekar aae suneel naren ke over mein 14 run jadkar jaise toofaani saajhedaari shuroo karne ka sanket de diya. Haalaanki Kallis ke agale hi over mein ve sirf paanch run jod sake. 21 geindon par 30 run jod chuki yeh jodi aakraamak ho paati, ki Maxwell morne morkel ki yaurkar geind chook gaye aur geind ne unki leg stump ki gilliyaan bikher Dean. IPL-7 mein sarvaadhik chhakke laga chuke Maxwell 12 geind mein sirf do chauke laga sake. kharaab form se joojh rahe Sehwag ne thoda sanyam se kaam lete hue apni paari aage badhaana jaari rakha, lekin kings eleven ki jeet mein aham bhoomika nibha chuke tatha do ardhashatak laga chuke David Miller (14) bhi kuchh khaas naheen kar sake. Piyoosh Chawla ne 10vein over ki chauthi geind par Miller ko Morkel ke haathon catch out karva kings eleven ko chautha jhatka de diya. Miller ka wicket girne ke saath hi kings eleven thoda sankat mein dikhne lagi, aur Sehwag ke saath paanchave wicket ki saajhedaari nibhaane aae kaptaan George belly (11) balle se sahaj nahi ho paae. Haalaanki belly aur Sehwag ne 27 ranon ki saajhedaari kar team ko sambhaalne ki poori koshish ki. apna teesara over lekar aae Chawla ne belly aur Sehwag donon ke wicket chatakaakar kings eleven ko baikafut par dhakel diya. Sehwag 14vein over ki aakhiri geind par 103 ke kul yog par clean bold ho gaye. Unhonne 30 geindon ka saamana kar teen chauke aur ek chhakka lagaaya. puchhalle ballebaaj akshar Patel (7) aur rishi dhavan (naabaad 19) ne saatavein wicket ke liye sanbhalakar khelte hue 25 geindon mein 23 ranon ki saajhedaari nibhaai, aur kings eleven ko sammaanajanak score tak pahunchaane ki poori koshish ki. Lekin naren ne 19vein over mein teen wicket chatakaakar kings eleven ko aakhiri overon mein adhik run jutaane se rok diya. naren ne 19vein over ki pehli do geindon par lagaataar Patel aur Michelle Johnson (0) ke wicket chatakaae. Iske baad naren hattrick ka mauka bhale chook gaye, lekin chauthi geind par hi unhonne lakshmeepati Balaji (0) ko pagbaadha kar diya. naren aur Chawla ne teen-teen wicket chatakaae. Iske saath hi naren ne parpal kaip par dobaara kabja jama liya. Naren ne IPL-7 mein ab tak chaar maichon mein nau wicket haasil kar liye hain.

IPL-7 Avijit Kings Eleven Ki Lagaataar Chauthi Jeet http://www.angrejinews.com/pic/48727