IPL-7 Aadhe Safar Tak Ballebaaji Mein Avval Rahe Glen Maxwell

Breaking »

IPL-7  Aadhe Safar Tak Ballebaaji Mein Avval Rahe Glen Maxwell

Nai Delhi: Indian Premier league (IPL) ka saatavaan sanskaran aadha safar tay kar chuka hai, aur is beech kai ballebaajon ne apne balle ki dhamak se cricket prashansakon ka bharpoor manoranjan kiya, lekin kings eleven Punjab ke glen Maxwell ne 203.27 ke toofaani strike rate se 435 run banaakar khel prashansakon ke saath-saath khel visheshagyon ka dhyaan bhi aakarshit kiya hai. Maxwell ne IPL-7 mein ab tak 95, 89, 95, 15, 6, 45 aur 90 ranon ki dhuaandhaar paariyaan kheli hain. Vaise, IPL-7 ke league charan ke apne 14 maichon mein se kings eleven Punjab saat match khel chuki hai aur chhah maichon mein jeet darj kar vah is samay aath teemon ki ankataalika mein sabse oopar hai. Kings eleven Punjab ke liye Maxwell ke yogadaan ko ham isi baat se samajh sakte hain ki ab tak mili chhah jeeton mein se paanch mein use Maxwell ke balle ki badaulat hi jeet mili hai. haalaanki aisa naheen hai ki darshakon ka balle se manoranjan karne vaale Maxwell akele ballebaaj hain. Aaie, nazar daalte hain IPL-7 mein ab tak sarvaadhik run banaane vaale paanch aise hi ballebaajon par. . . run banaane vaalon ki soochi mein sabse oopar hain glen Maxwell. . . Sarvaadhik ranon (435) ke saath-saath Maxwell ne IPL-7 mein ab tak lagbhag poore samay oreinj kaip par kabja jamaae rakha hai. IPL-7 mein ek paari mein sarvaadhik run (95) ka record bhi ab tak Maxwell ke hi naam hai. Itna hi naheen, ab tak 41 chauke aur 27 chhakke lagaakar Maxwell sarvaadhik chauke aur chhakke lagaane vaale ballebaaj bhi bane hue hain. soochi mein doosare sthaan par hain chennai Superkings ke salaami ballebaaj dven smith, jinhonne ab tak aath maichon ki aath paariyon mein 145.49 ke strike rate se 339 run banaae hain, aur Maxwell ke baad oreinj kaip ki daud mein doosare number par hain. Smith ka sarvochch score 79 run raha hai. Smith ki aakraamakata ko ham isse bhi samajh sakte hain ki chhakke lagaane ke maamale mein vah is dauraan sheersh par bhi rah chuke hain tatha 24 chhakkon ke saath is samay bhi Maxwell se sirf teen chhakke peechhe hain, aur ek baar oreinj kaip ki daud mein sabse aage bhi pahunche the. teesare mukaam par hain chennai Superkings ke hi doosare salaami ballebaaj braindan maikakulam, jinhonne dven smith ka bharpoor saath diya hai, tatha in donon ki jodi IPL-7 ki safalatam salaami jodi bani hui hai. Maikakulam ne IPL-7 mein ab tak aath maichon ki aath paariyon mein 123.13 ke strike rate se 314 run banaae hain. Maikakulam ka sarvochch niji score naabaad 71 run hai. 29 chaukon ke saath vah smith se aage hain. Maikakulam ne ab tak teen arddhashatak lagaae hain. soochi mein chauthe sthaan par kaabij hain, Delhi Daredevils ke jyaan paul dyoomini, jinki team ne ab tak bhale hi sabse bura pradarshan kiya ho, lekin paanchavein-chhathe kram par ballebaaji ke liye utarane vaale dyoomini ne nirantar behatareen pradarshan kiya hai. Paanch baar naabaad rahate hue dyoomini ne apni aath paariyon mein ab tak 93.33 ke ausat se 280 run banaae hain. Unka sarvochch niji score naabaad 67 run hai. Dyoomini ne ab tak 12 chhakke lagaae hain. soochi mein paanchavein paayadaan par Kolkata Knightriders ke ballebaaj raubin uthappa hain, jinhonne aath maichon ki aath paariyon mein ab tak 120.18 ke strike rate se 256 run banaae hain. IPL-7 mein uthappa ka sarvochch score 65 run hai. Unhonne 23 chauke aur saat chhakke lagaae hain. vaise, Rajasthan Royals ke ajinkya rahaane (224 run) aur sunrisers Hyderabad ke David vaarnar (230) ne bhi apni umda paariyon evam nirantar pradarshan ki badaulat kramash: Chhatha aur saatavaan sthaan haasil kiya hai. Rahaane aur vaarnar ne ab tak kramash: 120.43 aur 114.42 ke strike rate se run banaae hain. Vaarnar ko ti-20 cricket mein apne 5,000 run poore karne ke liye 82 ranon ki darkaar hai, aur aisa karne vaale vah vishv ke paanchavein ballebaaj honge. ullekhaneeya hai ki IPL-7 mein ab tak ek bhi shatak naheen laga hai. Maxwell teen baar shatak ke kareeb pahunche hain. Maxwell aur smith ne sabse adhik chaar-chaar ardhashatak lagaae hain, jabki maikakulam aur vaarnar ke naam teen-teen ardhashatak darj hain.

IPL-7 Aadhe Safar Tak Ballebaaji Mein Avval Rahe Glen Maxwell http://www.angrejinews.com/pic/50063