ICC Ki Saalaana Test Ranking Mein Australia Sheersh Par, Bhaarat Paanchavein Sthaan Par Fisla

Breaking »

ICC Ki Saalaana Test Ranking Mein Australia Sheersh Par, Bhaarat Paanchavein Sthaan Par Fisla

Dubai: Bhaarat ko antararaashtreeya satr mein lachar pradarshan ka khaamiyaaja ICC test ranking ki soochi mein giraavat se uthaana pada, jisse team saalaana soochi mein paanchavein sthaan par khisak gayi hai. Australiaee team December, 2008 ke baad pehli baar khel ke donon praaroopon mein sheersh par pahunch gayi hai. Australia ne pichhli baar August, 2009 mein test ranking mein sheersh sthaan haasil kiya tha, lekin England se 1-2 se haarne ke baad use yeh sthaan ganvaana pada tha. Bhaarat ko haaliya test shrunkhalaaon mein dakshin Africa aur New Zealand daure par haar ka munh dekhna pada tha, jisse team 10 rating ank ganvaakar taalika mein teesare se paanchavein sthaan par khisak gayi hai. One-day soochi mein Mahendra Singh Dhoni ke khilaadiyon ne doosra sthaan barkaraar rakha hai. Bhaarat ki 2010-2011 mein Australia, New Zealand aur vest Indies (usaki sarjameen par) ke khilaaf jeet tatha dakshin Africa ke khilaaf draw hui test shrunkhala ki ranking mein ginti naheen ki gayi. Isi tarah, Bhaarat ki 2011-12 mein vest Indies aur 2012-13 mein New Zealand aur Australia par jeet ke rating ank ab 50 pratishat hi gine gaye hain. one-day ranking mein maamooli badlaav hua hai, jismein sheersh teen teemon Australia, Bhaarat aur Sri Lanka ki rating mein giraavat I hai. Australia ne ab dakshin Africa ko pachhaad diya hai, jo August, 2012 se number ek sthaan par bani hui thi.

ICC Ki Saalaana Test Ranking Mein Australia Sheersh Par, Bhaarat Paanchavein Sthaan Par Fisla http://www.angrejinews.com/pic/49215