Hyundai Ki April Bikri Mein 11.8 Feesadi Ki Giraavat

Breaking »

Hyundai Ki April Bikri Mein 11.8 Feesadi Ki Giraavat

Chennai: vaahan nirmaata company hyundai motor India ne guruvaar ko kaha ki April maah mein usaki kul briki saal-dar-saal aadhaar par 11.8 feesadi kam rahi. Is saal April mein hyundai ke kul 50,222 vaahanon ki bikri hui hai, jabki gat varsh April mein kul 56,953 vaahanon ki bikri hui thi. company ne haalaanki kaha ki is maheene ghareloo baajaar mein bikri 8.8 feesadi badhi hai. Desh ke baajaaron mein is saal hyundai ke 35,248 vaahanon ki bikri hui hai, jabki 2013 mein isi maheene mein ghareloo baajaar mein 32,403 vaahanon ki bikri hui thi. pichhle maheene company ka niryaat 39 feesadi ghatkar 14,974 vaahan raha, jo ki 2013 mein niryaat kiye gaye 24,550 vaahanon se kam tha. hyundai motor India ke bikri evam vipnan ke varishth upaadhyaksh Rakesh shreevaastav ne bataaya, hyundai ki 35,248 vaahanon ki bikri aur pichhle saal ki apeksha 8.8 feesadi vruddhi is saal ke vikaas lakshya aur baajaar hissedaari ke anuroop hai. Bikri mein badhottri mein pramukh yogadaan ekseint, gairand aur seinta fi ki adhik bikri ka raha hai. unhonne kaha, ham utpaad portfolio ko majaboot banaakar aur channel kshamata mein sudhaar karke is saal is vruddhi ko barkaraar rakhane ki ummeed karte hain.

Hyundai Ki April Bikri Mein 11.8 Feesadi Ki Giraavat http://www.angrejinews.com/pic/49234