Humne Khel Ke Har Vibhaag Mein Achha Pradarshan Kiya Rohit Sharma

Breaking »

Humne Khel Ke Har Vibhaag Mein Achha Pradarshan Kiya  Rohit Sharma

Hyderabad: maujooda champion Mumbai Indians ke kaptaan rohit sharma ne kaha ki aakhir mein IPL saat mein unki team khel ke har vibhaag mein achha pradarshan karne mein safal rahi, jisse usane sunrisers Hyderabad par saat wicket se jeet darj ki. rohit ne match ke baad kaha, yeh bahut achha match tha. Humne khel ke har vibhaag mein achha pradarshan kiya. Ham aisa kar sakte hain aur ham hamesha is tarah ke pradarshan ki ummeed karte hain. Sunrisers Hyderabad ne pehle ballebaaji karte hue teen wicket par 157 run banaae, jiske javaab mein Mumbai ne teen wicket par 160 run banaakar jeet darj ki. rohit ne iske liye apne geindabaajon ko bhi shreya diya, jinhonne visheshakar Aaron finch aur David vaarnar ko khulkar naheen khelne diya. Rohit ne kaha, humne achhi geindabaaji ki aur unhein kam score par roka aur iske baad achhi tarah se lakshya haasil kiya. Yeh vaastav mein shaanadaar pradarshan hai. Unhonne kaha, vaarnar aur finch ko is tarah se achhi geindabaaji karna aasaan naheen tha. Mujhe nishchitataur par apne geindabaajon ko shreya dena hoga. Aaj ka din shaanadaar raha. (leindal) simns ne shuroo se hi karaare shot jamaae jabki (Ambati) raayadu ne aasaani se run batore. sunrisers Hyderabad ke kaptaan shikhar dhavan ne kaha ki unki team ne 20 run kam banaae. Unhonne kaha, humne yahaan adhik match naheen ganvaae hain. Yeh naya wicket hai aur hamein pata naheen tha ki yeh kaise khelega. Mujhe lagta hai ki humne 20 run kam banaae. Fir bhi 157 ka score bura naheen tha, lekin unhonne achhi ballebaaji ki. unhonne kaha, mera dimaag yooei mein, paanv Hyderabad mein aur balla kaheen aur tha. Isliye mujhe ekaagrachit hokar khelne ki jaroorat thi. Aaj simns ne mere par se kaafi dabaav hataaya jisse main apne shot khel paaya. Mumbai Indians ke ballebaaj keeron Pollard ne kaha ki unki team ne is tarah ka achha pradarshan kaafi der se kiya. Unhonne kaha, humne tournament ki shuruaat achhi naheen ki aur yahaan tak ki pichhle match mein bhi jise ham haar gaye. Yadi IPL ka chalan dekho to chennai Superkings ko chhodkar maujooda champion achha pradarshan naheen karte. Hamein playoff mein pahunchane ke liye har match jeetna hoga.

Humne Khel Ke Har Vibhaag Mein Achha Pradarshan Kiya Rohit Sharma http://www.angrejinews.com/pic/50424