Humne Justice Varma Aayog Ki 90 Feesadi Sifaarishein Sveekaar Ki Hain Kaanoon Mantri

Breaking »

Humne Justice Varma Aayog Ki 90 Feesadi Sifaarishein Sveekaar Ki Hain  Kaanoon Mantri

Nai Delhi: Kaanoon mantri ashvini Kumar ne kaha hai ki mahilaaon ke khilaaf aparaadhon par kendra sarkaar ke adhyaadesh mein Justice varma ki 90 feesadi sifaarishon ko maan liya gaya hai. Kaanoon mantri ka maanana hai ki yah adhyaadesh aaropiyon ko jald saja dilaane mein madadgaar saabit hoga. Haalaanki kuchh mahila sangathan sarkaar ke adhyaadesh ko dhokha karaar day rahi hain. Mahilaaon ke khilaaf aparaadhon par kendra sarkaar ke adhyaadesh mein Justice varma ki kai sifaarishon ko maan li gayi hain, jabki kuchh aisi bhi hain, jinhein sarkaar ne shaamil naheen kiya hai. Aise mein kuchh mahila sangathan is baat ki maang kar rahe hain ki vivaah ke baad patni ke saath yaun hinsa ko bhi rape maana jaae aur iske liye saja ka praavadhaan ho. Iske alaava sarkaar ke adhyaadesh ka is baat par bhi virodh ho raha hai ki Kashmir aur uttar-poorvi raajyon mein jahaan sena ko vishesh adhikaar mile hain, vahaan surakshaakarmiyon par yaun aparaadhon ke khilaaf maamala chalaane ke liye vishesh ijaajat leni hogi, jabki Justice varma aayog ne isko hataae jaane ki sifaarish ki thi.

Humne Justice Varma Aayog Ki 90 Feesadi Sifaarishein Sveekaar Ki Hain Kaanoon Mantri http://www.angrejinews.com/pic/962