Hit End Run Case Do Gavaahon Ne Salman Khan Ki Shinaakht Ki

Breaking »

Hit End Run Case  Do Gavaahon Ne Salman Khan Ki Shinaakht Ki

Mumbai: session court mein aaj 2002 ke hit end run maamale mein sunavaai hui, jismein abhineta Salman Khan ki do gavaahon ne shinaakht ki. Gavaahon ne kaha ki unhonne Salman ko driver seat se utarate dekha. Gavaahon ne kaha ki Salman gire, uthe aur bhaage. Vaheen bachaav paksh ke vakeel ne kaha ki yeh galat hai, Salman gaadi naheen chala rahe the. court mein Salman Khan apni bahan arpita aur Alvira ke saath pahunche the. Salman Khan par aarop hai ki saal 2002 mein unhone apni tej raftaar car se Bandra mein ek footapaath par so rahe logon ko kuchal diya tha, jinmein se ek ki maut ho gayi thi aur chaar ghaayal hue the. Haalaanki Salman par pehle Bandra court mein mukadama chal chuka hai, lekin vah laaparavaahi se car chalaane ka tha. Baad mein adaalat ne Salman par gair-iraadatan hatya ke tahat mukadama chalaane ka aadesh diya. Agar is maamale mein un par aarop saabit hota hai to unhein 10 saal ki saja ho sakti hai. 48 saal ke is abhineta ne pichhle paanch saalon mein sarvaadhik kamaai karne waali filmein di hain. January mein unki 'Jaya ho' release hui thi. Filhaal vah Poland mein 'Kick' ki shooting mein vyast hain.

Hit End Run Case Do Gavaahon Ne Salman Khan Ki Shinaakht Ki http://www.angrejinews.com/pic/49739