Himachal Mein Baja Chunaavi Bigul, 9 November Ko Daale Jaaenge Vote

Breaking »

Himachal Mein Baja Chunaavi Bigul, 9 November Ko Daale Jaaenge Vote

Nai Delhi chunaav aayog ne guruvaar ko Himachal pradesh vidhaanasabha chunaav ki taareekhon ka ailaan kar diya. Raajya mein ek hi charan mein 9 November ko voting hogi aur 18 December ko voton ki ginti hogi. Is baar raajya mein sabhi poling stationon par VVPAT ka istemaal hoga. Desh mein Himachal aisa pehla raajya hoga jahaan sabhi poling station par votar vereefaaid pepar audit trial (VVPAT) machine ka istemaal hoga. Chunaav ki ghoshana ke saath hi Himachal mein aadarsh aachaar sanhita laagoo ho gayi hai. Chunaav aayog ne Gujarat vidhaanasabha chunaavon ke liye aaj taareekhon ka ailaan naheen kiya hai. Haalaanki ye tay maana ja raha hai ki Gujarat chunaav bhi 18 December ke pehle hi honge. Par abhi taareekhon ka ailaan naheen kiya gaya hai. Mukhya chunaav aayukt achal Kumar jyoti ne yahaan Himachal chunaav ki taareekhon ki ghoshana ki. Unhonne bataaya ki raajya mein nishpaksh chunaav ke liye badi taiyaari ki gayi hai. Unhonne kaha ki raajya mein bade paimaane par arddhasainik balon ki tainaati ki jaaegi. Chunaav taareekh 16 October se naamaankan file kiya ja sakega 23 October tak naamaankan file kiya jaaegaa24 October: Naamaankan patron ki jaanch 26 October: Naamaankan vaapas lene ki taareekh 9 November: Raajya mein voting 18 December: Vidhaanasabha chunaav ki mataganana Himachal pradesh vidhaanasabha chunaav ke taareekhon ka ailaan chunaav aayog ne Himachal chunaav ke liye raajya ke sabhi 7,521 poling boothon ko ground flor par rakhane ka faisala kiya hai. Sabhi poling station par divyaangon ke liye suvidha hogi. Voting, naamaankan aur chunaavi sabhaaon ki vidiyograafi ki jaaegi. Kaaunting hall ki bhi vidiyograafi ki jaaegi. Raajya vidhaanasabha chunaav ke liye kharch ki seema bhi nirdhaarit kar di gayi hai. Har ummeedaavar chunaav ke dauraan 28 lakh rupaye kharch kar sakeinge. Chunaav parinaam ki ghoshana ke 30 din ke bheetar ummeedavaaron ko kharch se sambandhit apna shapathapatr saunpana hoga. Chunaav aayog ki is baar social media par paini najar rahegi. Ped news ke liye aayog ne jila, raajya aur keindreeya chunaav aayog leval tak tristareeya committee ka gathan kiya hai. Gaurtalab hai ki is samay Himachal mein Congress ki sarkaar hai. Maujooda CM veerabhadr Singh 6 baar raajya ke CM rah chuke hain. Congress is baar bhi veerabhadr ke netrutv mein chunaav lad rahi hai. Kya hai veeveepeeeti? Veeveepeeeti ya votar vereefaaid pepar audit trial (VVPAT). Iske jariye priteind parchi ke jariye votar ko yeh jaankaari di jaati hai ki usane jis ummeedavaar ko vote diya hai, vah use hi mila hai. Is parchi ko record ke taur par rakha jaata hai. Pepar trial ke jariye EVM par uthe shanka hataane ka ek jariya maana ja raha hai. Jyoti ne bataaya ki VVPAT parchi ki raindam sainpaling kiya jaaega, taaki vote sahi pade hain ya naheen iska Milan ho sake. Vote dene ke baad votar 7 second tak ke liye VVPAT parchi dekh sakta hai.

Himachal Mein Baja Chunaavi Bigul, 9 November Ko Daale Jaaenge Vote http://www.angrejinews.com/pic/174583