Hima Das 'Dhing Express Bulaate Hain Gaanvavaale, Record Se Pehle Tod Chuki Hain Sharaab Ki Avaidh Dukaanein

Breaking »

Hima Das 'Dhing Express Bulaate Hain Gaanvavaale, Record Se Pehle Tod Chuki Hain Sharaab Ki Avaidh Dukaanein

Nai Delhi Aithaletiks championship mein gold jeetkar itihaas rachane waali hima das desh ke liye ab rol model bani hain, lekin unka gaanv pehle se unka fan hai. Asam ke chhote se gaanv dhing mein rahanevaale hima ke padosi ki maanein to record todne se pehle vah buraai ke khilaaf aavaaj uthaakar apne gaanv mein maujood sharaab ki dukaanon ko bhi 'Tod' chuki hain. Mahaj 18 saal ki hima ne AIFF under-20 world ethaletiks championship ki 400 meter daud mein gold medal jeeta hai. Vah mahila aur purush donon hi vargon mein track iveint mein gold medal jeetne waali pehli bhaarateeya bhi ban gayi hain. Hima ke padosi ne bataaya vah sirf world class ki aithaleet naheen hain, balki vah apne aaspaas ho rahi buraaiyon ke khilaaf aavaaj uthaana bhi jaanti hain. Padosi ne hamaare sahayogi akhbaar times of India ko bataaya ki unke gaanv mein sharaab ki dukaanein theen, jinhein hima ne logon ke saath milkar dhvast karavaaya tha. Padosi ne bataaya, 'Vah ladki kuchh bhi kar sakti hai. Vah galat ke khilaaf bolne se naheen darati. Vah hamaare aur desh ke liye rol model ban chuki hai. ' vahaan ke log hima ko 'Dhing aiksapres' kehte hain. Padhein: Kheton mein daudne waali hima yoon bani 'Udn pari' Hima ne mahaj do saal pehle hi resing track par kadam rakha tha. Usase pehle unhein achhe joote bhi naseeb naheen the. Parivaar mein 6 bachchon mein sabse chhoti hima pehle ladkon ke saath pita ke dhaan ke kheton mein football khelati theen. Saste spaaiks pahanakar jab intar distrikt ki 100 aur 200 meter race mein hima ne gold jeeta to coach nipun das bhi hairaan rah gaye. Vah hima ko gaanv se 140 kimi door Guwahati le aae, jahaan unhein intaranaishanal standard ke spaaiks pahanane ko mile. Iske baad hima ne peechhe mudkar naheen dekha. Hima ka janm asam ke naugaanv jile ke ek chhote se gaanv kaandulimaari ke kisaan parivaar mein hua. Pita Ranjit das ke paas mahaj do beegha jameen hai jabki maan junaali ghareloo mahila hain. Jameen ka yeh chhota-sa tukada hi das parivaar ke chhah sadasyon ki roji-roti ka jariya hai. Pita apni beti par pehle se garv karte the, jo ab aur badh gaya hai. Padhein: Hima ki angreji ka majaak udaane par eefaaai ne maangi maafi Ranjit das ne bataaya ki medal jeetne ke baad hima ne unhein phone karke kaha ki jab aap log so rahe the, tab mainne itihaas rach diya. Ispar ham logon ne kaha ki koi naheen soya tha aur sab jaagakar TV par usaki race hi dekh rahe the. Pita ke mutaabik, is baat ko sunakar hima bhaavuk ho gain aur roni lageen. Pita ki prerana bani hima 52 saal ke Ranjit bataate hain ki vah apni beti ka saahas dekhkar hairaan rah jaate the. Unhonne kaha, 'Vah bilkul parvat ki tarah sakht hai. Mujhe gaanv se baahar use akele train mein bhejane mein dar lagta tha. Lekin vah kehti thi chinta mat karo. Ise dekhkar mujhe prerana milti thi. '

Hima Das 'Dhing Express Bulaate Hain Gaanvavaale, Record Se Pehle Tod Chuki Hain Sharaab Ki Avaidh Dukaanein http://www.angrejinews.com/pic/213841