Hillary Clinton Ko Mili New York Aspataal Se Chhutti

World »

Hillary Clinton Ko Mili New York Aspataal Se Chhutti

Washington: America ki videshamantri Hillary Clinton ko New York sthit ek aspataal mein upachaar ke baad aadhikaarik roop se chhutti de di gayi hai. Samaachaar agency sinhuaa ke mutaabik, Budhvaar ko Clinton ke pravakta Phillip reens ne kaha, videshamantri Hillary ko shaam ko aspataal se chhutti mil gayi. Unke chikitsak dal ne yeh salaah di hai ki unki sehat mein har star par sudhaar ho raha hai, aur unhein yeh bharosa hai ki vah bilkul svasth ho jaaengi. Unhonne kaha, vah fir se kaaryaalaya jaane ko lekar utsuk hain. Hillary ke sir mein khoon jam jaane ki shikaayat par unhein ravivaar ko aspataal mein bharti karaaya gaya tha. Unke chikitsakon ke anusaar yeh khoon daaen kaan ke peechhe unke mastishk aur khopadi ke beech ki nas mein jama hua tha. Haalaanki, chikitsakon ka kehna hai ki is vajah se na to unhein koi mastishkaaghaat hua hai aur na hi unke tantrika tantr ko koi nuksaan pahuncha hai aur vah poori tarah svasth ho jaaengi.

Hillary Clinton Ko Mili New York Aspataal Se Chhutti http://www.angrejinews.com/pic/150