Helicopter Sauda Rishvat Ke Bhugataan Ke Liye Istemaal Hui Company Hai Hi Naheen

Breaking »

Helicopter Sauda  Rishvat Ke Bhugataan Ke Liye Istemaal Hui Company Hai Hi Naheen

Nai Delhi: Bhaarat ne England ki company ogasta vestalaind se 4 hajaar karod rupaye ke 12 veeveeaai heleekauptaron ke saude mein rishvat diye jaane ke baare mein safaai dene ko kaha hai aur poochha hai ki vah bataae ki kisi bhaarateeya ikaai athva vyakti ko avaidh bhugataan kiya gaya tha ya naheen. Rakshaamantri AK Antony ki chitthi mein chetaavani di gayi hai ki agar vinirmaata company sahayog naheen karegi, to sauda radd kiya ja sakta hai. Yeh kathit ghotaala is buniyaad par aadhaarit hai ki teindar ki sharton mein badlaav ke bina ogasta vestalaind is saude ki race mein bani naheen rah sakti thi. Vaheen, is kathit ghotaale mein aaideees India naam ki company ka naam saamane aa raha hai, jiske jariye 140 karod rupaye ki rishvat pahunchaane ke aarop lag rahe hain. Lekin pata chala hai ki company maamalon ke mantraalaya ke record mein aaideees India naam ki koi company hai hi naheen. Jabki Italy ki adaalat ke dastaavej mein saaf kaha gaya hai ki aaideees India ke jariye 140 karod rupaye diye gaye. Iske atirikt aaideees Tunisia naam ki company ke maarfat bhi bhaarateeya adhikaariyon ko paise diye gaye. Rishvaton ka yeh silsila saal 2007 se 2011 tak jaari raha, jiske liye software development ke naam par farji bill banaae gaye. Italy ke abhiyojan paksh ki report ke mutaabik rishvat ke is maamale mein eyaromaitriks, aaideees Mauritius, aaideees infotek naamak companiyon ke naam bhi shaamil hain, jinmein se aaideees infotek dikhaave ke liye finmekaanika aur ogasta vestalaind ke liye software banaati rahi. Sarkaar ne ek bayaan jaari kar is tathya ko saamane laaya hai ki BJP neet NDA sarkaar dvaara teindar mein badlaav ki sifaarish ki gayi thi. Italy mein ogasta vestalaind ki mool company finmekaanika ke CEO ki giraftaari ke baad uthe vivaad ke baad CBI ab is maamale ki jaanch kar rahi hai. Italy ke abhiyojakon ka daava hai ki Bhaarat ke poorv vaayusena pramukh SP tyaagi ko ogasta vestalaind ko faayda pahunchaane ke vaaste takaneeki maapadandon mein badlaav ke liye paise diye gaye. Unka kehna hai ki tyaagi ke rishtedaaron ko 86 karod rupaye diye gaye aur ogasta vestalaind ka ek bichauliya kathit taur par saude ke baare mein baatcheet ke liye tyaagi se chhah baar mila tha. Haalaanki tyaagi ne in aaropon ko khaarij kiya hai. Helicopter saude ke teindar mein 2003 mein badlaav kiye gaye, jis vakt atal bihaari Vajpayee ke netrutv mein NDA ki sarkaar satta mein thi. Lekin ise 2006 mein adhisoochit kiya gaya, jab Manmohan Singh pradhaanamantri aur Pranab mukharji rakshaamantri the. SP tyaagi us vakt vaayusena pramukh the. Sarkaar is baat par jor dena chaahati hai ki yeh kathit ghotaala us vakt shuroo hua, jab BJP satta mein thi, jabki mukhya vipakshi dal ne ise khaarij karte hue kaha hai ki saude par 2010 mein Congress ke shaasanakaal mein hastaakshar hue. Italy mein jaari jaanch ke mutaabik teindar ki jarooraton mein ek bada badlaav yeh kiya gaya ki air seeling ko 18 hajaar foot se badalkar 15 hajaar foot kar diya gaya aur aisa isliye kiya gaya, taaki itaaliyn helicopter daud mein bana rah sake.

Helicopter Sauda Rishvat Ke Bhugataan Ke Liye Istemaal Hui Company Hai Hi Naheen http://www.angrejinews.com/pic/1960