Helicopter Sauda Radd Karne Ki Kaarravaai Shuroo, CBI Team Jaaegi Italy

India »

Helicopter Sauda Radd Karne Ki Kaarravaai Shuroo, CBI Team Jaaegi Italy

Nai Delhi: Sansad mein agale saptaah vipaksh ke hamle jhelne ko taiyaar sarkaar ne kaarravaai karte hue agasta vestalaind se ativishisht vyaktiyon ke liye helicopter ki khareed ka sauda radd karne ki kaarravaai shuroo kar di aur is aarop ki jaanch ke liye CBI ki ek team ko Italy bhejane ka faisala kiya ki sauda haasil karne ke liye 362 karod rupaye ki rishvat di gayi. Raksha mantraalaya ne sanvida ki sharton ke anuroop anya kadam uthaane ki bhi chetaavani di. Sambhavat: Iske jariye 3600 karod rupaye ki pehle hi ho chuke bhugataan ki rakam vaapas praapt karne ke liye sanvida mein ullekhit ek shart ka istemaal karne ka sanket diya gaya. Bhaarat ne raashi mein se 30 pratishat ka bhugataan pehle hi kar diya hai. Raksha mantraalaya ke pravakta shaantanu car ne kaha, 'Raksha mantraalaya ne saude ko radd karne aur saude ki anya sharton ke mutaabik anya kaarravaai karne ke liye agasta vestalaind ko aupachaarik kaaran bataao notice jaari kiya. ' Company se kaha gaya ki vah rishvat ke aaropon par saat saat dinon ke bheetar spashteekaran aur yeh bataae ki varsh 2010 mein kiye gaye is saude ko radd kyon na kar diya jaae. Sootron ne kaha ki yeh kaarravaai mantraalaya ko Italy se 'Kuchh report' milne ke baad ki gayi. Bhaarat ne mudde par soochana muhaiya karaane ke liye itaalavi sarkaar ko patra likha tha. CBI ki ek team ko Italy bheja ja raha hai jahaan agasta vestalaind aur usaki mool company finmekenika ke mukhya kaaryapaalak adhikaariyon ko rishvat ke aaropon mein giraftaar kiya gaya hai. Raksha mantraalaya ne yeh notice kaanooni kaarravaai ki chetaavani dene ke ek din baad jaari kiya hai jismein yadi rishvat ka bhugataan kiya gaya hai to sauda radd karne ke liye inteegreti paikt ka istemaal karna aur pehle kiye gaye bhugataan ki raashi vaapas karna shaamil hai.

Helicopter Sauda Radd Karne Ki Kaarravaai Shuroo, CBI Team Jaaegi Italy http://www.angrejinews.com/pic/1966