Helicopter Sauda Jasavant Singh Ne Maanadandon Mein Kiye Badlaav Ko Jaayaj Bataaya

Breaking »

Helicopter Sauda  Jasavant Singh Ne Maanadandon Mein Kiye Badlaav Ko Jaayaj Bataaya

Nai Delhi: BJP ke varishth neta jasavant Singh ne NDA shaasan ke dauraan 2003 mein helicopter khareed ke maanadandon mein badlaav kiye jaane ke faisale ko sahi bataate hue daava kiya ki aisa vishuddh roop se vyaavasaayik kaaranon se kiya gaya tha, jisse ki ise saude ko pratispardhaatmak banaaya ja sake. NDA sarkaar mein rakshaamantri rah chuke jasavant Singh ne samvaadadaataaon se kaha, yah sahi hai ki us samay takaneeki maanadand mein badlaav kiya gaya tha, lekin ise lekar ho rahe ho-halle ki koi vajah naheen hai, kyonki aisa achhe kaaranon ke liye kiya gaya tha. Unhonne kaha ki varsh 2000 mein mool prastaav aaya aur vaayu sena ne kaha ki ati vishisht vyaktiyon ki aavaajaahi ke liye khareede jaane vaale in heleekauptaron ki 18000 fut oonche tak ud sakane ki kshamata honi chaahiye. Lekin jab yah prastaav suraksha maamalon ki cabinet samiti mein aaya, to tatkaaleen raashtreeya suraksha salaahakaar brajesh mishr ne sahi sujhaav diya ki ekal vikreta prastaav uchit naheen rahega. Us samay keval ek hi company 18000 fut tak ki oonchaai tak udne vaale helicopter banaati thi. Singh ne kaha ki brajesh mishr ne aisa karke kuchh galat naheen kiya tha. Poorv vaayu sena pramukh SP tyaagi par lagaae ja rahe aaropon par jasavant Singh ne kaha, hamein poorv vaayu sena pramukh par anargal aarop naheen lagaane chaahiye. Yah vaayusena aur desh donon ke hit mein naheen hai. Jaanch chal rahi hai. Tyaagi khud kah rahe hain ki jaanch jald se jald honi chaahiye. Aap unke sujhaav ko kyon naheen maan rahe hain. Unhonne kaha, mujhe dukh is baat ka hai ki is tathya ko bhulaaya ja raha hai ki is maamale mein doshi Italy ki company hai. Hamein sachchaai ko jaanana chaahiye aur uske baad ek-doosare par aarop lagaane chaahiye.

Helicopter Sauda Jasavant Singh Ne Maanadandon Mein Kiye Badlaav Ko Jaayaj Bataaya http://www.angrejinews.com/pic/1904