Helicopter Ghotaala Sarkaar Ne Itaalavi Company Ko Di Pratibandhit Karne Ki Chetaavani

Breaking »

Helicopter Ghotaala  Sarkaar Ne Itaalavi Company Ko Di Pratibandhit Karne Ki Chetaavani

Nai Delhi: Ativishisht heleekauptaron ki khareed mein rishvatakhori ke aaropon ke beech sarkaar ne itaalavi company finmekaanika se aupachaarik roop se kaha hai ki vah bataae ki kisi bhaarateeya ikaai athva vyakti ko avaidh bhugataan kiya gaya tha ya naheen. Company ko pratibandhit karne sahit kaanooni kaarravaai ki chetaavani bhi di gayi hai. Is maamale ko lekar vipaksh ke nishaane par aae raksha mantraalaya ne samjhaute se jude tathyon aur poore vivran ko pesh kiya hai. Yah maamala 12 heleekauptaron ki khareed se jude samjhaute ka hai. Saal 2010 mein 3600 karod rupaye ka yah karaar finmekaanika ki ikaai agasta vestalaind ke saath kiya gaya tha. Mantraalaya ne kaha ki Vajpayee sarkaar ke samay saal 2003 mein hi heleekauptaron ki aavashyak takaneeki jarooraton ko badla gaya tha aur ismein tatkaaleen raashtreeya suraksha salaahakaar brajesh mishr ne pramukh bhoomika nibhaai thi. Mantraalaya ne bataaya, 'Agasta vestalaind ke CEO se poochha gaya hai ki maujooda ghatnaakramon ke maddenajar apni baat spasht roop se rakhein ki kisi bhaarateeya vyakti athva ikaai ke saath koi vitteeya lenaden huaa tha ya naheen jo samjhaute ya anubandhon ki sharton ka ullanghan hoga.

Helicopter Ghotaala Sarkaar Ne Itaalavi Company Ko Di Pratibandhit Karne Ki Chetaavani http://www.angrejinews.com/pic/1897