Helicopter Deal Ke Liye PM, Soniya Bhi Jimmedaar BJP

Breaking »

Helicopter Deal Ke Liye PM, Soniya Bhi Jimmedaar  BJP

Nai Delhi: Italy ki company finmekaanika se ogasta vestalaind heleekauptaron ke saude mein hue kathit ghotaale ko doosra bofors maamala bataate hue BJP ne sarkaar se savaal kiya ki usane ek saal tak iski jaanch kya isliye naheen karaai ki yah company Italy ki hai. Usane kaha ki is maamale mein pradhaanamantri Manmohan Singh aur UPA adhyaksh soniya Gandhi ko bhi jimmedaar maana jaana chaahiye. Party is mudde ko sansad aur uske baahar bhi jordaar dhang se uthaaegi. Rajyasabha mein vipaksh ke neta arun jetali ne kaha, yah bofors jaisa maamala hai. Jab rishvat dene vaale ko pakad liya gaya, lekin rishvat paane vaale ki pehchaan naheen ki gayi. Bhaarat sarkaar kab tak rishvat lene vaalon ko bachaaegi. BJP is maamale ko sansad mein uthaaegi aur sarkaar se yah bataane ki maang karegi ki rishvat lene vaale kaun hain aur kaun unhein bacha raha hai. Vaheen, party pravakta ravishankar prasaad ne bhi savaal kiya, helicopter saude ki yahaan (Bhaarat) jaanch kyon naheen ho rahi hai, jabki Italy mein is maamale ki jaanch jaari hai? Kya aisa isliye hai ki company Italy ki hai? Ravishankar prasaad ne kaha, main is ghotaale mein doosra bofors ghotaala bante dekh raha hoon. Sarkaar yah naheen bata paai ki is maamale ki jaankaari hone ke baavajood vah ek saal se chuppi kyon saadhe rahi? Unhonne kaha, is saude se kai savaal khade hue hain. Italy ke ek shreemaan ottaaviyo kvaatrochchi hain, jo bofors ghotaale mein shaamil the. Unhein bachaane ki kai koshishein ki gain. Yah helicopter company bhi Italy ki hai. Kya yah ek kaaran hai ki pichhle ek saal se is maamale ki jaanch naheen karavaai gayi? Ravishankar prasaad ne kaha, main pradhaanamantri Manmohan Singh aur soniya Gandhi se poochhana chaahata hoon ki itne saare ghotaale ke saath ve kis tarah ka Bhaarat banaana chaahate hain? Unhonne kaha ki BJP ki or se ek saal pehle hi yah maamala uthaaya gaya tha, lekin tab sarkaar ne CBI se jaanch karne ko kyon naheen kaha. Is maamale mein sansad ko galat jaankaari dene ka rakshaamantri AK Antony par aarop lagaate hue BJP pravakta ne kaha ki is maheene se shuroo ho sansad ke bajat satr mein sarkaar ki or se is kathit galatabayaani ka spashteekaran diya jaana chaahiye. Unhonne kaha, UPA adhyaksh soniya Gandhi aur pradhaanamantri Manmohan Singh ko bhi yah spashteekaran dena chaahiye ki sarkaar ke har vibhaag mein bhrashtaachaar kyon hai. Doorasanchaar, koyala ya raksha ho, har vibhaag mein loot hai. Poorv vaayusena pramukh SP tyaagi ke is khulaase par ki saude mein vivaadaaspad badlaav NDA shaasan ke samay hue, ravishankar prasaad ne kaha, tyaagi ki tippani ko ghaav par namak ke roop mein lena chaahiye. Unki bhoomika ki jaanch honi chaahiye. Kaha ja raha hai ki ismein unke rishtedaar shaamil hain. Unhonne daava kiya ki NDA shaasan ke dauraan koi helicopter naheen khareeda gaya aur koi rishvat naheen li gayi. Helicopter ghotaale ki CBI se jaanch karaane ke sarkaar ke aadesh par jetali ne kaha, sabne dekha hai ki is jaanch agency ko kitni gambheerta se kaam karne diya jaata hai. Vah jaanch mein cheejon ko ujaagar karne ki bajaay, chhipaati jyaada hai.

Helicopter Deal Ke Liye PM, Soniya Bhi Jimmedaar BJP http://www.angrejinews.com/pic/1796