Hava Havaai

Movies »

Hava Havaai

Chandramohan sharma amol gupte us vakt media ki surkhiyon mein sabse jyaada aae, jab Aamir Khan ne unhein apni hom praudakshan company ke banner tale banane waali film 'Taare jameen par' ke nirdeshan ki kamaan saunpi. Panchagani mein amol ne is film ki shooting shuroo bhi kar di thi, tabhi khabar I ki Aamir ne amol se nirdeshan ki kamaan vaapas le li aur khud film ko daayarekt karne ka faisala kiya. Sootron ki maanein to amol is film ko jis style se bana rahe the, usase Aamir santusht naheen the. Yahi vajah rahi ki unhonne beshak amol se nirdeshan ki kamaan le li, lekin film ke title mein unka naam jaroor diya. Kuchh arse baad amol us vakt khabaron mein aae, jab unhonne apne bete paartho ko leed kirdaar mein lekar 'Stenali ka dibba' title se film banaai aur seemit bajat mein bani unki is film ko critics aur darshakon ki ek khaas class ki khoob taareefein mili. Ab lambe arse baad amol 'Hava havaai' ke saath haajir hain. Aise daur mein jab har koi box aafis par apni film ko hit karne ke liye kahaani mein chaaloo masaale parosane ka moh chhod naheen paata, vaheen amol ne script ke saath kaheen chhedchhaad naheen ki. Bollywood mein khel par film banaane ki baat ho to har koi krikret ko pehli praathamikta deta hai, iske baad number aata hai hockey, football ya kabhi kabhaar kabaddi vagairah ka. Vaheen, amol ne sketing par film banaakar yakeenan kuchh naya kiya hai. Sketing ko ab tak ek khaas class ka khel maana jaata hai. Amol ki is film mein bhi pehle yahi dikhaaya gaya hai ki mahangi kaaron mein savaar hokar lakh rupaye ke sketing shooj pahan kar ek khaas class ke bachche sketing seekhane aa rahe hai, lekin ek chai ki rehadi par rojaana 12-15 ghante kaam karne waali jhuggi basti ka arjun kis tarah se khud ko is game mein parafekt karta hai, yeh is kahaani ka behatareen turning point hai. Afsos hota hai ki hamaare yahaan naami stars ki mega bajat filmon se lekar haut bold seksi mastaraam jaisi A gred filmon ke liye to theatre aur vitrak aasaani se mil jaate hain, lekin 'Hava havaai' jaisi behatareen saaf-suthari aur bachchon se lekar badon ko ek mesej dene waali film ko theatre naheen mil paate. Yahi vajah hai ki Delhi mein is film ko shaayad ek bhi singal screen naheen mil saka. Vaheen, maltipleks sanchaalakon ne bhi mastaraam se lekar bakaraapur jaisi filmon ko 4-6 sho diye, jabki 'Hava havaai' ikka-dukka sho mein lagi. Kahaani : Maharashtra ke yavatamaal jile ka gareeb kisaan (makarand deshapaande) apni jameen ganvaane ka sadama sah naheen paata hai aur usaki maut ho jaati hai. Pita ki maut ke baad ab teen chhote bhaai-bahanon, daadi aur maan (neha Joshi) ki jimmedaari ab gareeb arjun (paartho gupte) par hai. Jameen chhin jaane ke baad sabhi Mumbai ki ek chaul ke chhote se kamre mein apna naya aashiyaana banaate hai. Arjun ki maan gharon mein safaai ke kaam me lagti hai. Arjun chai ki rehadi lagaane vaale bhatt ke yahaan subah se der raat tak kaam karke apni maan ka haath bantaata hai. Chai ki rehadi jis parking laut par lagti hai, usi jagah raat ko sketing sikhaane laki sar (saakib saleem) aate hain. Laki sar ki poori faimili ko sketing ka junoon raha. Laki ka bada bhaai yooesae shift ho chuka hai, lekin laki ke aiksideint ki khabar milne ke baad ab vah yaheen aaya hua hai. Car aiksideint mein ghaayal laki sar ke pair par plaastar chadha hai, iske baavajood vah raat ko bachchon ko sketing sikhaane jaroor aate hain. Yaheen arjun ki mulaakaat laki sar se hoti hai. Bhatt laki sar ke liye special adarak, ilaayachi waali chai banaata hai, jise dene ki jimmedaari arjun ki hai. Kabhi gaanv mein saaikal ke pahiye se lambi daud lagaane vaale arjun ko lagta hai ki vah sketing seekh sakta hai. Yaheen se arjun ekalavya ban roj laki sar ko bachchon ko sketing sikhaate dekhta aur baad mein bina sketing shooj ke kuchh karne ki koshish karta. Arjun ke chaar dost hain, ek apni maan ke saath kachara batorata hai, doosra ek auto workshop mein kaam karta hai, teesara gajara bechata hai, to chautha silaai ke kaam mein laga hai. Sadak kinaare chaaron aksar milte hain. Jab unhein arjun ke sketing shauk ke baare mein pata chalta hai to chaaron kachare mein alag-alag cheejein chun kar auto workshop ke maalik (Razzak Khan) ki madad se sketing shooj banaate hain. Iska naam chaaron milkar 'Hava havaai' rakhate hain. Laki sar ko jab chai bechne vaale arjun ki sketing ke prati lagan ka pata chalta hai to videsh jaane ka plaan chhodkar use state chaipinyanaship mein hissa lene ke liye treind karne ka faisala karte hai. Aikting : Paartho gupte ne behatareen aur gajab ki aikting ki hai. Ek-ek shot mein paartho ki mehnat saaf najar aati hai. Taareef karni hogi arjun ki maan ka kirdaar nibha rahi neha Joshi ki, jinke hisse mein samvaad to bahut kam aae, lekin unhonne apni jeevant aikting se har darshak se vaahavaahi batori. Makarand deshapaande prabhaavit karte hai, vaheen sketing coach ke kirdaar mein saakib saleem bas theek-thaak rahe. Daayarekshan : Amol gupte ka nirdeshan adviteeya hai. Shuruaat se ant tak amol kahaani aur kirdaaron ke saath darshakon ko poori tarah se baandhane mein kaamayaab rahe. Intaraval se pehle kahaani ki raftaar kuchh dheemi hai. Bataur nirdeshak unhonne film ke har kalaakaar se behatareen kaam liya hai. Kyon dekhein : Agar leek se hatkar filmon ke shaukeen hain to 'Hava havaai' miss na karein. Sketing par bani yeh film samar haulide mein aapke bachchon ke liye ek behatareen upahaar hai jo unhein aap deejiye.

Hava Havaai http://www.angrejinews.com/pic/49999