Hathiyaaron Ki Sanskruti Par Obama Ne Kaha Ab Samay Hai Kuchh Karne Ka

World »

Hathiyaaron Ki Sanskruti Par Obama Ne Kaha  Ab Samay Hai Kuchh Karne Ka

Washington: Apni chirparicht shaili mein ameriki raashtrapati Barack Obama ne hathiyaaron ki sanskruti aur goleebaari ki vidhvansak ghatnaaon ke sambandh mein kaha hai ki ab 'Kuchh karne ka samay' aa gaya hai. Goleebaari ki in ghatnaaon mein bachchon samet bahut se nirdosh log maare gaye hain. Minipolis mein ek baithak ko sambodhit karte hue Obama ne kaha, hamein har baat par 'Haan' mein 'Haan' milaane ki jaroorat naheen hai. Ab kuchh karne ka samay aa gaya hai. Aaj ka mera mukhya sandesh yahi hai aur ham se har kisi ko apni bhoomika ada karni hai. Unhonne ek saptaah pehle kaha tha ki unhonne maamalon ki prushthabhoomi ki padtaal karne, schoolon ko yadi jaroorat ho to unhein adhik adhikaari muhaiya karaane aur beemaari rokathaam kendra ko hinsa ke kaaranon ka pata lagaane ko kaha tha. Obama ne tark diya , lekin ab samay aa gaya hai ki Congress ko is mudde par ek nirnaya lena chaahiye. Raashtrapati ne kaha, hamein kadam uthaane chaahiye. Hamein sena ki shaili ke hathiyaaron par pratibandh lagaana chaahiye. Is par Congress mein mat vibhaajan ki jaroorat hai, kyonki yuddh ke hathiyaaron ki hamaare shaharon, schoolon mein jaroorat naheen hai.

Hathiyaaron Ki Sanskruti Par Obama Ne Kaha Ab Samay Hai Kuchh Karne Ka http://www.angrejinews.com/pic/1179