Haryana Naabaalig Ko Balaatkaar Ke Baad Chhat Se Feinka

Breaking »

Haryana  Naabaalig Ko Balaatkaar Ke Baad Chhat Se Feinka

Panipat: Haryana ke Panipat mein ek naabaalig se balaatkaar ka maamala saamane aaya hai. Balaatkaar ke baad aaropi ne ladki ki hatya karne ki koshish ki aur fir use chhat se neeche feink diya. Is haadase mein ladki ko paralysis ho gaya hai. Maamala September 2012 ka hai. Ladki ke parivaaravaalon ka kehna hai ki aaropi ki bhaabhi ne ladki ko chai par bulaaya tha aur chai mein nasheela padaarth milaakar use behosh kar diya. Iske baad aaropi ne uske saath balaatkaar kiya aur chhat se feink diya. Chhat se girne ki vajah se ladki ki reedh ki haddi par chot lagi thi, jiske baad uske donon pairon ne kaam karna band kar diya hai. Haadase ke baad se hi ladki kuchh bol naheen pa rahi hai aur use ilaaj ke liye Rohtak ke PGI mein refar kiya gaya hai. Vaheen police ne ab jaakar balaatkaar ka maamala darj kiya hai, lekin aaropi usaki giraft se faraar hai.

Haryana Naabaalig Ko Balaatkaar Ke Baad Chhat Se Feinka http://www.angrejinews.com/pic/1119