Har Kalaakaar Apni Or Dhyaan Kheenchna Chaahata Hai Anushka Sharma

Movies »

Har Kalaakaar Apni Or Dhyaan Kheenchna Chaahata Hai  Anushka Sharma

Mumbai: Sena ki prushthabhoomi se taalluk rakhane waali Anushka sharma ne ab tak bahut shaant aur anushaasit jeevan vyateet kiya hai, lekin vah sveekaar karti hain ki peshe ne unhein logon ka dhyaan apni or kheenchne ki chaahat rakhane wala bana diya hai. Anushka ne kaha ki sabhi kalaakaar in dinon logon ka dhyaan haasil karna chaahane lage hain. Anushka ne kaha, mera taalluk sena se raha hai aur main kabhi chakaachaundh ki or aakarshit naheen hui, lekin film jagat ne mujhe aisa bana diya hai. Ab main bhi dhyaan aakarshan chaahati hoon. Agar log mujh par dhyaan na dein to fir main apna kaam theek se naheen kar sakoongi. Anushka ne 2008 mein film 'Rab ne bana di jodi' ke saath filmodyog mein kadam rakha tha aur fir iske baad 'Badmaash company', 'Band baaja baaraat', 'Ladies versus Ricky bahal' aur 'Jab tak hai jaan' mein kaam kiya. Chaar saal se bhi kam samay ke filmi career mein Anushka ne apne liye alag sthaan banaaya. Anushka kehti hain ki vah apni safalta ka upayog karte hue apni sharton par kaam karna chaahati hain. Anushka ne kaha, aapko apna kaam behtar tareeke se karne ke liye apni safalta ka upayog karna chaahiye. Main apni sharton par kaam karte hue safal hona chaahati hoon. Aap apne stardom ka upayog karte hue logon ko theatre aur cinemagharon tak kheench sakte hain.

Har Kalaakaar Apni Or Dhyaan Kheenchna Chaahata Hai Anushka Sharma http://www.angrejinews.com/pic/13