'Haneemoon Vaale Bayaan Par Ghire Raamadev Ke Khilaaf FIR Darj, Raamadev Ne Khed Jataaya, BJP Ne Kiya Bachaav

Breaking »

'Haneemoon Vaale Bayaan Par Ghire Raamadev Ke Khilaaf FIR Darj, Raamadev Ne Khed Jataaya, BJP Ne Kiya Bachaav

File photo File photo Vadodara/nayi Delhi: Rahul Gandhi 'Haneemoon aur piknik' ke liye daliton ke ghar jaate hain, vaale apne bayaan par mache bavaal ke beech yog guroo Baba raamadev ne aaj dalit samudaaya ke prati afsos jataaya. Vaheen, uttar pradesh police ne unki tippani ko lekar ek praathamiki darj ki hai. haalaanki, bhaajapa ne yog guroo ke bachaav mein utarate hue kaha ki vah ek 'Sant' hain aur unke shabdon ko usi pariprekshya mein dekhna chaahiye, jis pariprekshya mein ve kahe gaye hain aur ise Congress netaaon ki dhaarana ke mutaabik naheen dekha jaana chaahiye. Jabki Congress ne ise 'Sharmanaak' tippaniyaan karaar diya hai aur unase tatha Narendra Modi se bhi bina shart maafi maangane ko kaha hai. Saath hi aarop lagaaya ki yog guroo unki mandali ke sadasya hain. haalaanki, ek yog shivir mein shareek hone ke liye vadodara pahunche raamadev ne jor dekar kaha ki Congress upaadhyaksh gareebon ke ghar 'Prachaar paane ke liye, piknik manaane ya payartan' ke liye gaye. raamadev ne daava kiya, 'Mere bayaan ka galat arth nikaala gaya. Haneemoon ka vakt samaapt ho gaya hai, jaise shabd ka raajaneetik bhaasha mein saamaanya prayog hota hai. Mainne iska prayog usi arth mein kiya tha. ' unhonne kaha, 'Meri mansha maananeeya Rahul Gandhi ya dalit samudaaya ka apamaan karne ki naheen thi . Lekin yeh bhi sahi hai ki Rahul Gandhi lokapriyta paane, piknik ya paryatan ke liye gareebon ke ghar jaate hain. ' unhonne kaha, 'Yadi shabd ke prayog se kisi samudaaya, vishesh roop se dalit samudaaya ki bhaavanaaen aahat hui hain to main usapar afsos jaahir karta hoon. ' gaurtalab hai ki raamadev ne kal Lucknow mein ek kaaryakram mein kaha tha ki Rahul Gandhi 'Haneemoon aur piknik' ke liye daliton ke ghar jaate hain. Raamadev ne kaha tha, 'Vah (Rahul) daliton ke ghar haneemoon ya piknik ke liye jaate hain. Yadi unhonne kisi dalit ladki se shaadi ki hoti to unki kismat chamak sakti thi aur vah pradhaanamantri ban jaate. ' atirikt police adheekshak habeebul hasan ne bataaya ki Lucknow mein raamadev ke khilaaf mahanagar police thaane mein IPC ki dhaara 171-ji (chunaav ke silsile mein jhootha bayaan) ke tahat ek praathamiki darj ki gayi hai. raamadev ke bayaan ki video footage ka vishleshan karne ke baad police ne praathamiki darj ki hai. Raahalu Gandhi ke daliton ke ghar haneemoon manaane jaane waali tippani par pratikriya dete hue vittamantri pi. Chidambaram ne kaha, 'Yeh sharmanaak aur apamaanajanak hai. ' BJP par apratyaksh roop se hamla karte hue unhonne kaha, 'Mujhe sharmindagi mahasoos hoti hai ki koi vyakti is tarah ka bayaan deta hai aur fir bhi ek raajaneetik dal use gale lagaae hue hai. ' party ne is tippani ke baare mein raamadev ko munaasib javaab dene ka jimma apni dalit mahila netaaon kumaari sailaja aur Krishna teerath ko saunpa. sailaja ne kaha ki yog guroo ki tippani ek 'Vikrut' maanasikta ko dikhaati hai, jismein dalit mahilaaon ke liye koi sammaan ka bhaav naheen hai aur unhein sirf 'Vastu' ke roop mein dekha gaya hai. Unhonne kaha, 'Ham unki tippani ki katu shabdon mein bhartsana karte hain aur unase tatha Modi se bina shart maafi maangane ki maang karte hain. '

'Haneemoon Vaale Bayaan Par Ghire Raamadev Ke Khilaaf FIR Darj, Raamadev Ne Khed Jataaya, BJP Ne Kiya Bachaav http://www.angrejinews.com/pic/48723