Hamse Tel Ke Aayaat Mein Ki Kami To Khatm Honge Bhaarat Ke Visheshaadhikaar Iran

Breaking »

Hamse Tel Ke Aayaat Mein Ki Kami To Khatm Honge Bhaarat Ke Visheshaadhikaar Iran

Tehran Rananeetik taur par behad mahatvapoorn kahe jaane vaale chaabahaar port pariyojana par Bhaarat ke kam nivesh par Iran ne chetaavani di hai. Iran ne kaha hai ki yadi Bhaarat ki or se nivesh kam hota hai aur tel ke aayaat mein katauti ki jaati hai to usaka 'Vishesh desh' ka darja khatm kar diya jaaega. Iran ke up-raajadoot masood rejavaaniyn raahaagi ne kaha ki yadi Bhaarat ne Iran se tel ke aayaat mein katauti kar Saudi arab, roos, Iraq, America aur anya deshon se aayaat mein ijaafe ka prayaas kiya to use mil rahe sabhi visheshaadhikaar vaapas le liye jaaenge. Unhonne kaha, 'Yeh durbhaagyapoorn hai ki Bhaarat ki or se chaabahaar port ke vistaar aur uske kanektiviti praujekts mein nivesh kiye jaane ke vaade par abhi bahut pragati naheen dikhi hai. Yeh ummeed ki jaati hai ki yadi chaabahaar port ko lekar Bhaarat rananeetik saajhedaari chaahata hai to vah tatkaal is or dhyaan de aur jaroori kadam uthaae. ' raahaagi ne 'Global diplomesi mein ubharati chunautiyaan evam avsar aur Bhaarat ke saath dwipaksheeya sambandhon par prabhaav' naam se aayojit seminaar mein yeh baat kahi. Chaabahaar port ko Bhaarat, Iran aur Afghanistan ke liye madhya Asia ke deshon ke saath kaarobaar ke liye rananeetik taur par behad aham maana ja raha hai. Aise mein Iran ki or se aisa bayaan diya jaana Bhaarat ki chinta ko badhaane wala hai. Yeh port is vajah se bhi khaasa aham hai kyonki Pakistan apne ilaake se Bhaarat ko pashchim aur madhya Asia tak pahunchane dene mein rok lagaata raha hai. Isi ko dhyaan mein rakhate hue Bhaarat, Iran aur Afghanistan ne May 2016 mein chaabahaar port ke vikaas aur samudra mein traanjit aur transport corridor viksit kiye jaane ko lekar karaar kiya tha. Iran par ameriki pratibandhon par bolte hue raahaagi ne kaha ki ham hamesha Bhaarat ke liye bharosemand oorja saajhedaar rahe hain. Iran ki or se hamesha vaajib keemat par Bhaarat ko tel saplaai ki jaati rahegi.

Hamse Tel Ke Aayaat Mein Ki Kami To Khatm Honge Bhaarat Ke Visheshaadhikaar Iran http://www.angrejinews.com/pic/213502