Hamaare Ballebaajon Ne Fir Niraashaajanak Pradarshan Kiya Dhoni

Cricket »

Hamaare Ballebaajon Ne Fir Niraashaajanak Pradarshan Kiya  Dhoni

Kolkata: Ek maheene se bhi kam samay mein doosari baar ghareloo sarjameen par haar jhelne vaale bhaarateeya team ke kaptaan Mahendra Singh Dhoni ne haar ke liye aaj apne ballebaajon ko doshi thaharaaya aur unke pradarshan ko niraashaajanak karaar diya. Bhaarateeya team doosare one-day mein Pakistan se 85 run se haar gayi. Isse Pakistan ne teen maichon ki shrunkhala mein 2-0 ki Ajay badhat bana li. Dhoni ne kaha, geindabaajon ne bahut achha prayaas kiya aur unhein 250 run par rok diya. Ikaai ke roop mein unhonne achha pradarshan kiya. Bhaarat mein yadi aap pehle geindabaaji karke apni pratidvandvi team ko 250 run par rok dete ho to yeh achha prayaas hota hai. Unhonne kaha, lekin fir se hamaari ballebaaji niraashaajanak rahi. Aakhir mein wicket aapke haath mein hona mahatvapoorn tha. Yadi wicket haath mein hote to aakhiri das over mein 80 run ban sakte the. Dhoni ne kaha, strike rotate karna aur wicket naheen ganvaana mahatvapoorn hai. Humne shuroo mein hi paanch chhah wicket ganva diye aur ham vaastav mein match mein naheen the. Vahaan se aise lagne laga ki 250 ka score maano bahut bada hai. Bhaarateeya team 251 run ke lakshya ka peechha karte hue 165 run par out ho gayi. Unhonne kaha, sabhi jaante hain ki yeh niraashaajanak hai. Jab aap badlaav ke daur se gujarte ho to tab aap chaahate ho ki aapke senior khilaadi achha pradarshan karke yuva khilaadiyon ko sikhaane mein madad karein. Dhoni ne kaha ki ballebaaji mein kisi ko jimmedaari lene ki jaroorat hai. Unhonne kaha, do-teen wicket girne par koi aisa hona chaahiye jo dabaav jhele aur paari ko sanvaarane ka kaam kare. Bhaarateeya kaptaan ne kaha, yadi ve achha pradarshan naheen kareinge to yuvaaon par dabaav badhega. Ballebaaji ikaai ke roop mein achha pradarshan karna mahatvapoorn hai. Jimmedaari lena aur jimmedaari mein hissa bantaana mahatvapoorn hai. Unhonne kaha, haar ke baad khilaadi dukhi the. Aapko shaantachit bane rahakar sochana hoga ki aage kya karne ki jaroorat hai.

Hamaare Ballebaajon Ne Fir Niraashaajanak Pradarshan Kiya Dhoni http://www.angrejinews.com/pic/46