Ham Abhineta Hain, Pahalavaan Naheen Govinda

Breaking »

Ham Abhineta Hain, Pahalavaan Naheen  Govinda

America: abhineta govinda ka maanana hai ki aajkal film industry mein aa rahe nae kalaakaar jyaada mehanati hain. Aaifa samaaroh mein yahaan bhaag lene aae govinda ne apne chirparichit hansamukh andaaj mein kaha, ranaveer Singh, varun dhavan aur anya navodit kalaakaar kaheen jyaada mehnat kar rahe hain. Humne kabhi itna parishram naheen kiya. Hamaare samay mein ham keval kalaakaar hua karte the, na ki pahalavaan. 50 varsheeya govinda ne 180 se bhi jyaada filmon mein kaam kiya hai. Unka (govinda) kehna hai ki apne dinon mein unka poora dhyaan adaakaari ko chhodkar kisi aur baat par naheen hota tha. unhonne kaha, achha lagta hai jab log mere kaam ki prashansa karte hain, use pasand karte hain. Govinda ne film jagat mein 'Kuli number van', 'Raaja babu' jaisi Comedy filmon se apni alag pehchaan banaai hai. Unhonne kaha, main manoranjak cinema karna chaahata tha. Iska yeh matlab naheen ki main sirf Comedy filmein hi karoon. Pichhle kuchh saalon mein is tarah (Comedy) ki filmon ne bahut kamaai ki hai isliye yeh film udyog ke liye bhi achha hai. Jab unase poochha gaya ki kya ve sex-Comedy film mein kaam karna pasand kareinge to unhonne kaha, mujhe apni beevi suneeta se poochhana hoga. Varana mujhe koi etaraaj naheen. Vaise bhi Comedy sirf Comedy hoti hai. Govinda ne kai number van sheeshark ki filmon mein kaam kiya hai, lekin ve khud kabhi bhi number van ki daud mein shaamil naheen hue. govinda ne kaha, main nanbaron ke khel mein vishvaas naheen rakhata balki apne kaam ko achhe se karne mein yakeen karta hoon.

Ham Abhineta Hain, Pahalavaan Naheen Govinda http://www.angrejinews.com/pic/48666