Haindsakonb Ne Australia Ko 288 Run Tak Pahunchaaya

Cricket »

Haindsakonb Ne Australia Ko 288 Run Tak Pahunchaaya

Sydney, 11 January (bhaasha) Peter haindsakonb ki tejatarraar paari ke alaava usmaan khwaaja aur shaan marsh ke ardhashatak ki badaulat Australia ne pehle ekadivseeya antararaashtreeya cricket match mein shanivaar ko yahaan Bhaarat ke khilaaf paanch wicket par 288 run banaae. haindsakonb ne 61 geind mein chhah chaukon aur do chhakkon ki madad se 73 run ki paari khelne ke alaava maarkas stoinis (43 geind mein naabaad 47, do chhakke, do chauke) ke saath paanchavein wicket ke liye 68 run ki saajhedaari bhi ki. Khwaaja ne 59 jabki shaan marsh ne 54 run ki paari kheli. Donon ne teesare wicket ke liye 92 run jode. haindsakonb aur stoinis ki tejatarraar paariyon se team antim saat over mein 80 run jodkar 300 run ke kareeb pahunchane mein safal rahi. Bhaarat ki over se Kuldeep Yadav ne 54 jabki bhuvaneshvar Kumar ne 66 run dekar do wicket chatakaae. Ravindra jadeja ne 48 run dekar ek wicket haasil kiya. Mohammad shami ne 10 over mein sirf 46 run kharch kiye lekin unhein koi wicket naheen mila. Australia ne taas jeetkar pehle ballebaaji karne ka faisala kiya lekin teesare over mein hi kaptaan Aaron finch (11) ka wicket ganva diya jinhein bhuvaneshvar Kumar ne bold kiya. Yeh bhuvaneshvar ka 100 ekadivseeya antararaashtreeya wicket hai. salaami ballebaaj Alex kairi (24) ne kuchh aakarshak shot khele. Unhonne khaleel Ahmad par do chauke jadne ke baad bhuvaneshvar par bhi baaundri lagaai. kaptaan viraat Kohli ne 10vein over mein geind chaainaamain spinner Kuldeep Yadav ko thamaai. Kairi ne is spinner par chauka jada lekin isi over mein slip mein rohit sharma ko catch de baithe jisse team ka score 41 run par do wicket ho gaya. khwaaja aur marsh ne iske baad paari ko sanvaara. Donon ne strike rotate karne ko tarajeeh di lekin kharaab geind ko sabak sikhaane mein koi kasar bhi naheen chhodi. khwaaja ne jadeja par chauke ke saath 23vein over mein team ka score 100 run ke paar pahunchaaya. khwaaja ne khaleel ki geind par ek run ke saath 70 geind mein ardhashatak poora kiya. Vah haalaanki iske baad adhik der naheen tik sake aur jadeja ki geind ko sweep karne ki koshish mein pagbaadha ho gaye. Khwaaja ne is faisale ke khilaaf deeaaraes liya lekin 'Anpaayar kaal' ke kaaran unhein pavilion lautana pada. Unhonne 81 geind ka saamana karte hue chhah chauke maare. marsh ko iske baad haindsakonb ke roop mein umda jodeedaar mila. Donon ne run gati mein ijaafa karne ki koshish ki. Haindsakonb ne bhuvaneshvar par lagaataar do chauke maare jabki marsh ne khaleel par chauke ke saath 65 geind mein ardhashatak poora kiya. Kohli ne ek baar fir saajhedaari todne ke liye Kuldeep par bharosa kiya aur unhonne apne kaptaan ko niraash naheen karte hue marsh ko laang aan par mohammad shami ke haathon catch karaake haindsakonb ke saath unki 53 run ki saajhedaari ka ant kiya. Marsh ne 70 geind ka saamana karte hue chaar chauke maare. haindsakonb ne stoinis ke saath milkar 42vein over mein team ka score 200 run ke paar pahunchaaya. Is beech 45 geind tak koi baaundri naheen lagi. Stoinis ne Kuldeep par chhakke ke saath baaundri ke sookhe ko khatm kiya. haindsakonb ne bhi isi over mein chhakke ke saath sirf 50 geind mein ardhashatak poora kiya. haindsakonb ne bhuvaneshvar ke over mein do chauke maare. Is tej geindabaaj ke agale over mein vah haalaanki bhaagyashaali rahe jab faain leg par geind Ambati raayudoo ke haath se takaraakar chhah run ke liye chali gayi. Yeh ballebaaj haalaanki agali hi geind par eksatra kavar par shikhar dhavan ko catch de baitha. stoinis ne bhuvaneshvar ke paari ke antim over mein chhakka aur chauka jada. Glen Maxwell 11 run banaakar naabaad rahe.

Haindsakonb Ne Australia Ko 288 Run Tak Pahunchaaya http://www.angrejinews.com/pic/247295