Haapud Aatankiyon Se Sambandh Ke Shak Mein NIA Ne Madarasa Shikshak Ko Kiya Giraftaar

Breaking »

Haapud Aatankiyon Se Sambandh Ke Shak Mein NIA Ne Madarasa Shikshak Ko Kiya Giraftaar

Lucknow/haapud Raashtreeya jaanch agency (NIA) ne aatanki sangathan harkat ul harb A islaam se jude ek aur sandigdh madarasa shikshak muhammad abasaar ko haapud se giraftaar kiya hai. Vahaan ke madarase ek anya chhaatr ko bhi poochh-taachh ke liye NIA Delhi le gayi hai. NIA ne abhi usaki giraftaari ki pushti naheen ki hai. NIA ke aaiji aalok mittal ke mutaabik abasaar moolaroop se Meerut ke jasora ka rahane wala hai. Vah haapud ke piplainda sthit jaamiya husniya abul hasan madarasa mein shikshak hai. Harkat ul harb A islaam se jude hue 11 logon ki giraftaari ke baad hui poochh-taachh mein abasaar ka naam saamane aaya. NIA ne shukravaar ko der shaam uske thikaane par red kar use giraftaar kar liya. Aaiji NIA ne bataaya ki abasaar varsh 2018 ke May aur August maah mein Jammu-Kashmir ke teen thikaanon par gaya. Is dauraan iftikhaar saakib bhi uske saath tha. NIA ne shanivaar ko abasaar ko Delhi sthit NIA ki vishesh court mein pesh kiya. NIA isse pehle 26 December aur chaar January ko is maamale mein 11 logon ko giraftaar kar chuki hai. Haapud mein ek aur jagah chhaapemaari Abasaar ki giraftaari ke baad NIA team ne haapud ke piplainda gaanv mein chhaapa maarkar 18 saal ke madarasa chhaatr ko bhi hiraasat mein liya hai. Jaankaari ke anusaar, NIA ki team ne shanivaar subah 4 baje haapud ke piplainda gaanv ke rahane vaale taahir ke ghar par dabish di. NIA ne madarase mein padhaane vaale shahajaad ko hiraasat mein liya hai. Is dauraan NIA ne uske ghar ki saghan talaashi bhi li. Uske yahaan se kuchh mahatvapoorn dastaavej, ilektraanik chip baraamad hui hain. NIA ki team use lekar Delhi chali gayi hai. Shahajaad ki maan farahaana ka kehna hai ki shanivaar subah 4 baje kuchh log policewaalon ke saath aae aur mere 18 saal ke bete shahajaad ko le gaye. Farahaana ne bataaya ki shahajaad madarase mein padhaakar parivaar ka paalan-poshan karta hai aur uske pita chai ki dukaan chalaate hain. Shahajaad paanch bhaai-bahanon mein chauthe number par hai. Maulaavi saakib ka hai raajadaar! NIA ke sootron ki maanein to sinbhaavali se aatanki gatividhiyon ke aarop mein giraftaar maulavi saakib se shahajaad juda hua hai. 15 din pehle hi saakib gaanv chhodkar gaya tha. Shahajaad ko usane kuchh saahityik kitaabein, chip aur anya saamaan diye the. Kaha tha ki aane ke baad usase saamaan le lega. Usi dauraan saakib ko NIA ne giraftaar kar liya.

Haapud Aatankiyon Se Sambandh Ke Shak Mein NIA Ne Madarasa Shikshak Ko Kiya Giraftaar http://www.angrejinews.com/pic/247424