HIL Wizards Ne Roka Waveriders Ki Jeet Ka Rath

Breaking »

HIL  Wizards Ne Roka Waveriders Ki Jeet Ka Rath

Nai Delhi: Uttar pradesh wizards team ne guruvaar ko major dhyaanachand national stadium mein khele gaye hero hockey India league (HIL) ke 29vein match mein Delhi waveriders team ko 4-1 se hara diya. HIL mein waveriderski yah pehli haar hai. Wizards ke liye joren hartabargar ne 41vein, SK uthappa ne 46vein, emabi ayappa ne 55vein aur nithin thimmaiya ne 64vein minute mein gol kiye. Waveriders ki or se ekamaatr gol Andrew haavard ne 63vein minute mein haasil penalty corner par kiya. Waveriders, Ranchi rhinos, wizards aur JP Punjab Warriors pehle hi antim-4 daur mein pahunch chuke hain. Wizards taalika mein teesare sthaan par hain. Semifinal mein unka saamana Ranchi rhinos se hoga, jabki doosare semi-final mein Warriors ka saamana waveriders ke saath hoga. Paanch teemon ki taalika mein waveriders 12 match se jutaae gaye 49 ankon ke saath pehle sthaan par hai, jabki Ranchi rhinos ke 36 ank hain. Vah doosare sthaan par hai. Uttar pradesh wizards (32) teesare aur JP Punjab Warriors (29) chauthe aur magicians (15) paanchavein sthaan par hai. Rhinos aur magicians ko abhi ek-ek match khelna hai. Semifinal match 9 February ko khele jaaenge, jabki teesare tatha chauthe kram ka playoff match aur final mukaabala 10 February ko Ranchi mein khele jaaenge. Semifinal match bhi Ranchi mein hi khele jaaenge.

HIL Wizards Ne Roka Waveriders Ki Jeet Ka Rath http://www.angrejinews.com/pic/1374