HIL Waveriders Ne Rhinos Ko 5-4 Se Paraast Kiya

Sports »

HIL  Waveriders Ne Rhinos Ko 5-4 Se Paraast Kiya

Ranchi: Buland hausalon se labarej Delhi waveriders team ne astro turf hockey stadium mein Budhvaar ko khele gaye hero hockey India league (HIL) ke 11vein mukaabale mein Ranchi rhinos ko 5-4 se hara diya. Waveriders ki or se rupindar paal Singh ne do gol kiye. Waveriders ke liye Akashdeep ne chhathe, Gurvinder Singh chaandi ne 52vein, rupindar paal Singh ne 49vein aur 57vein, tatha tim jeniskeins ne 66vein minute mein gol kiye. Waveriders ke ant ke teen gol penalty corner ke maadhyam se hue. Rhinos ke liye Justin Ross ne 14vein, Ashley Jackson ne 45vein tatha 64vein aur mandeep Singh ne 60vein minute mein gol daaga. Rhinos ka doosra gol penalty stroke par hua. Waveriders ne apekshit shuruaat karte hue chhathe minute mein khaata khola. Chaandi ne Akashdeep ko circle mein ek tej gati ka cross diya, jis par gol karke Akashdeep ne apni team ko 1-0 se aage kar diya. Rhinos ko waveriders ki yeh badhat dekhi naheen gayi aur usane 14vein minute mein hi score baraabar kar diya. Moritz fuste ne Delhi ke circle ke madhya mein Ross ko ek achha paas diya. Raas ne bina galati kiye geind waveriders ke paale mein daal di. Agale aadhe ghante tak donon teemon ke beech aage nikalne ki hod lagi rahi. 45vein minute mein daanish mutjaba ki galati ke kaaran rhinos ko penalty corner mila. Is corner ko bachaane ke prayaas ke dauraan waveriders ke ek defender ne rhinos ke khilaadi ke khilaaf foul kar diya, jis par referee ne penalty stroke de diya. Is stroke par gol karke Jackson ne apni team ko 2-1 se aage kar diya. Yeh HIL ke pehle sanskaran mein penalty stroke se kiya gaya pehla gol tha. Waveriders ne rhinos ki yeh khushi jyaada der tak kaayam naheen rahane di aur 29vein minute mein penalty corner par gol karke score ek baar baraabar kar diya. Is baar rupindar ne direct hit par gol kiya. Teesare quarter ke samaapt hone se theek pehle aur apne doosare gol ke baad waveriders ne ek baar fir rhinos ke gol post par jordaar hamla bola aur gol karke hi dam liya. Chaandi dvaara kiye gaye is gol ne waveriders ko 3-2 se aage kar diya. Chaandi ne yeh gol daanish ke jordaar hit par reflection ke jariye kiya. Teesare quarter ke shuroo hone ke saath hi waveriders ko do penalty corner mile. 53vein minute mein haasil penalty corner par to koi safalta naheen mili lekin 56vein minute mein mile penalty corner par rupindar ne ek tej flick par gol karke score 4-2 kar diya. Ranchi ko waveriders ki yeh badhat naagavaar gujri. Usane turant hamla kiya aur 60vein minute mein gol karke score 3-4 kar diya. Yeh gol mandeep Singh ne kiya. Poora stadium rhinos ki safalta par garaj utha. Mejabaan team ke liye match mein jaan laut chuki thi. Rhinos ke liye yeh safalta utsaah badhaane waali thi. Usane isi utsaah mein 62vein minute mein penalty corner haasil kiya. Yeh prayaas bekaar gaya lekin use ek aur penalty corner mila, jis par gol karke Jackson ne apni team ko baraabari par la diya. Ab hamle ki baari waveriders ki thi. Usane javaabi hamla kiya aur 65vein minute mein hi penalty corner haasil kiya. Rupindar ke flick ko rok liya gaya lekin tim jeniskeins ne rebound par gol karke waveriders ko 5-4 se aage kar diya.

HIL Waveriders Ne Rhinos Ko 5-4 Se Paraast Kiya http://www.angrejinews.com/pic/518