HIL Rhinos Ne Wizards Ko 3-1 Se Haraaya

Sports »

HIL  Rhinos Ne Wizards Ko 3-1 Se Haraaya

Ranchi: Ranchi rhinos ne sthaaneeya astro turf stadium mein guruvaar ko khele gaye hero hockey India league (HIL) ke pehle sanskaran ke 12vein mukaabale mein uttar pradesh wizards ko 3-1 se hara diya. Donon teemon ke beech varchasv ki ladaai ke liye hui jordaar bhidant mein rhinos ke liye uske marquee khilaadi Moritz fuste ne 28vein, nick Wilson ne 66vein aur Ashley Jackson ne 70vein minute mein gol kiya. Jackson ne penalty stroke par gol kiya. Wizards ki or se baraabari ka gol 53vein minute mein Luke Doerner dvaara kiya gaya tha. Rhinos ne apne ghareloo maidaan par match ka khaata kholte hue pehla gol kiya. Virendra laakara ne center line par se ek tej paas fuste ko diya. Fuste ke paas use gol mein tabdeel karne ka paryaapt samay tha. Unhonne stick ko bas geind se lagaaya aur vah wizards ke goalkeeper ko chhakaate hue goalpost mein ghus gayi. Yeh match penalty corneron ki sankhya ke liye yaad kiya jaaega. Ismein donon teemon ko kul 12 penalty corner mile lekin wizards team 53vein minute mein hi iske maadhyam se safalta haasil kar saki. Doerner ne apne ek tej flick par gol karke wizards ko match mein vaapasi karaai. Isse pehle wizards ko chaar aur penalty corner mile the lekin use safalta naheen mil saki thi. Iske baad bhi wizards ko 59vein aur 61vein minute mein do penalty corner mile lekin us par gol naheen ho saka. Isi tarah rhinos ko bhi paanch penalty corner mile lekin vah ek ko bhi gol mein tabdeel naheen kar saki. Match ke 57vein minute mein rhinos ke marquee khilaadi fuste ko hara card dikhaaya gaya kyonki unke coach Greg Clark field Umpire ke khilaaf chheentaakashi karte najar aae. League ke niyam ke mutaabik agar coach aisa karta paaya jaata hai to sabse pehle usaka khaamiyaaja kaptaan ko bhugatna hota hai aur use tatkaal maidaan chhodna padta hai. 66vein minute mein rhinos ko wizards ke circle ke theek baahar ek free hit mila, jisne usaki kismat ke darvaaje khol diye. Is hit par New Zealand ke star khilaadi nick Wilson ne gol karke rhinos ko 2-1 se aage kar diya. 69vein minute mein wizards ke goalkeeper ne circle ke bilkul chhor par teji se gol ki taraf badhte aa rahe Manpreet Singh ko roka, jis par referee ne penalty stroke de diya. Antim kshan mein aae is badlaav se rhinos ko anpekshit faayda hua. Jackson ne is penalty stroke par 70vein minute mein gol karke rhinos ko 3-1 se jeet dila di.

HIL Rhinos Ne Wizards Ko 3-1 Se Haraaya http://www.angrejinews.com/pic/514