HDFC Ka Q4 Praufit 11 Pratishat Badha

Business »

HDFC Ka Q4 Praufit 11 Pratishat Badha

hom loan upalabdh karaane waali HDFC limited ko March 2014 mein samaapt timaahi ke dauraan 1,723.10 karod rupaye ka shuddh laabh hua, jo pichhle saal isi timaahi se 10.8 pratishat adhik hai. Aavaas vitt company ne ek vigyapti mein yeh jaankaari di. Pichhle saal isi timaahi mein use 1,555.21 karod rupaye ka shuddh laabh hua tha. Aalochya timaahi mein usaki kul aay 6,620.33 karod rupaye par pahunch gayi, jo pichhle saal isi timaahi mein 5,666.08 karod rupaye thi. Company nideshak mandal ne 2 rupaye ankit moolya ke share par 14 rupaye ka laabhaansh dene ka prastaav kiya hai. March mein samaapt vittavarsh ke dauraan HDFC ka shuddh laabh 12.2 pratishat ki vruddhi ke saath 5,440.24 karod rupaye par pahunch gaya, jo pichhle saal 4,848.34 karod rupaye raha tha. Poore vitt varsh mein HDFC ki kul aay bhi badhkar 24,143.01 karod rupaye par pahunch gayi, jo pichhle saal 21,112.50 karod rupaye thi. Aavaas vitt company ka March 2014 ant mein shuddh byaaj margin 4.1 pratishat raha.

HDFC Ka Q4 Praufit 11 Pratishat Badha http://www.angrejinews.com/pic/49869