HDFC, Beeoem Aur Vijaya Bank Ne Karj Par Byaaj Dar Ghataai

Business »

HDFC, Beeoem Aur Vijaya Bank Ne Karj Par Byaaj Dar Ghataai

Nai Delhi: Saarvajanik kshetr ke do bankon vijaya bank aur bank of Maharashtra ke alaava aavaas vitt company HDFC ne apni benchmark udhaari dar mein 0.25 feesad tak ki katauti ki hai. HDFC ne benchmark rin dar mein 0.1 feesad ki katauti ki hai. HDFC ne ek bayaan mein kaha ki 30 lakh rupaye tak ke aavaas rin par byaaj dar ghatkar 10.15 pratishat ki gayi hai, jabki 30 lakh rupaye se adhik ke rin par 10.40 feesad ka byaaj liya jaaega. Vijaya bank ne apni aadhaar dar 0.25 feesad ghataakar 10.20 feesad kar diya hai. Bank of Maharashtra ne apni benchmark rin dar ko 0.25 pratishat ghataakar 10.25 feesad kar diya hai. Bank of Maharashtra ne Mumbai share baajaar ko bheji soochana mein kaha hai ki bank ki aadhaar dar ko 10.50 pratishat se ghataakar 10.25 feesad kiya gaya hai. Nai darein 9 February se prabhaavi hongi. Bhaarateeya reserve bank dvaara maudrik neeti ki timaahi sameeksha mein apne maudrik rukh ko naram kiye jaane ke baad se bhaarateeya state bank, Punjab national bank, bank of India, bank of Baroda aur IDBI bank apni rin daron ko ghata chuke hain.

HDFC, Beeoem Aur Vijaya Bank Ne Karj Par Byaaj Dar Ghataai http://www.angrejinews.com/pic/1200