H-1B Visa Ki Miyaad Khatm Hone Par Shuroo Ho Sakte Hain 'Bure Din

Breaking »

H-1B Visa Ki Miyaad Khatm Hone Par Shuroo Ho Sakte Hain 'Bure Din

Mumbai Kai H-1B visa dhaarakon ko nishkaasan ki kaaryavaahi ka saamana karna pad sakta hai. Agar visa eksateinshan ya status badalne ka aavedan sveekaar naheen hota aur yooes prashaasan dvaara diya gaya samay (jaisa ki form 1-94 mein dikhaaya gaya ho) khatm ho gaya hai to mushkil ka saamana karna pad sakta hai. Sthiti aur bhi kharaab ho sakti hai jab bina naukri ke kai maheene vahaan rukakar imigreshan judge ki sunavaai ka intajaar karna pade. 28 June ko laai gayi neeti ke mutaabik logon ke aavedan reject hone ke baad ameriki prashaasan ke paas 'Gairkaanooni tareeke se America mein rahane' ko lekar notice jaari karne ka adhikaar hai. Yeh notice nirvaasan ki prakriya ka pehla kadam hai. Ek IT company ke imigreshan kaaunsel ke mutaabik, 'Visa badhaane ka aavedan sveekaar na hone aur rahane ki miyaad khatm hone ke baad sabhi maamalon mein court mein pesh hone ka notice mil sakta hai. ' pehle nirvaasan ka notice keval fraud, aaparaadhik ya sharanaarthiyon ke maamale mein jaari kiya jaata tha. Lekin ab iska daayara badha diya gaya hai. Aisa notice milne ke baad hi bure dinon ki shuruaat ho sakti hai. Notice milne ke baad America mein rukakar imigreshan judge ki sunavaai ka intajaar karna jaroori hai. Agar koi shakhs court mein pesh naheen ho saka to usapar 5 saal tak America mein pravesh par pratibandh lagaaya ja sakta hai. Isse pehle agar visa eksateinshan ka aavedan sveekaar naheen hota tha to koi bhi bina kisi adaalati kaaryavaahi ke Bhaarat laut sakta tha aur company agale satr mein nae H-1B visa ke liye aavedan kar sakti thi. Nirvaasan ki is prakriya se kai deshon se padhne ke liye aane vaale chhaatr bhi bache naheen hain. Agar koi shikshan sansthaan chhaatr ka record update naheen karta hai to use bhi court mein pesh hona pad sakta hai.

H-1B Visa Ki Miyaad Khatm Hone Par Shuroo Ho Sakte Hain 'Bure Din http://www.angrejinews.com/pic/213850