Gusse Mein Kah Di Desh Chhodne Ki Baat Hassan

Movies »

Gusse Mein Kah Di Desh Chhodne Ki Baat  Hassan

Mumbai: Apni mega bajat film 'Vishvaroopam' par pratibandh se aahat abhineta kamal Hassan ne guruvaar ko kaha ki ve pratibandh se aahat hain aur unhonne gusse mein desh chhodne ki baat kah di thi. Unhonne kaha ki is mudde par ve akele naheen hain aur aaj jo bhi hain vah apne prashansakon ke dam par hain. Madras uchch nyaayaalaya dvaara 'Vishvaroopam' par dobaara pratibandh lagaae jaane ke baad film pradarshan ke liye desh mein dharmanirpeksh raajya ki talaash karne aur iske abhaav mein divangat chitrakaar MF husain ki tarah desh chhod dene ka bayaan dene ke theek ek din baad dakshin bhaarateeya cinema ke star kamal Hassan ne is mudde par samarthan dene vaalon ka shukriya ada kiya. TV channelon ko diye gaye saakshaatkaar mein unhonne kaha ki vishvaroopam se kisi ki bhaavana ko thes naheen pahunchati. Unhonne kaha ki virodh ka kaaran dharm naheen hai, kyonki muslim sangathanon ne bhi unki is film ka samarthan kiya hai. Vivaad ko akaaran karaar date hue abhineta ne kaha, "Vivaadon se kisi ka faayda naheen hone vaala. " Is mudde par samarthan dene vaalon ka shukriya ada karte hue kamal ne kaha, "Is mudde par main akela naheen hoon. Bahut se logon ne saath diya hai. Samarthan dene vaale ka main shukriya ada karta hoon. " Gaurtalab hai ki 95 karod rupaye ki laagat se bani 'Vishvaroopam' ko Tamil Nadu mein sarkaar ne pradarshan ki ijaajat naheen di jisse film release naheen ho paai. Sarkaar ne kuchh muslim sangathanon ki aapatti ke kaaran yah kadam uthaaya hai. Muslim sangathanon ka aarop hai ki ismein samudaaya ko galat najariye se pesh kiya gaya hai.

Gusse Mein Kah Di Desh Chhodne Ki Baat Hassan http://www.angrejinews.com/pic/743